2019 восянь Россияын вежсис сідз шусяна целевӧя велӧданног. Россияса правительстволӧн тайӧ выль индӧдыс сетӧ унджык позянлун кыдзи студентлы, сідзи и уджӧн аскиа могмӧдысьлы. Медводдзаяс лыдын целевӧя велӧдчыны П.Сорокин нима госуниверситетӧ аскиа студентӧс вӧзйис «Коми йӧзӧдчан керка». Таво сентябрсянь «Журналистика» нырвизьын выль тӧдӧмлун кутас босьтны Сыктыв районса Поёл сиктысь Дарина Сизганова.
Аддзӧны мичсӧ да миянлы тыдавтӧмсӧ
Коді шуис, мый Войвыв вӧр-ваыс гажтӧм да ӧтсяма? «Сезон охоты на ООПТ» конкурсӧ пырӧдчысьяс квайтӧд во нин эскӧдӧны, мый тайӧ шуӧмыс некыдз оз лӧсяв збыльыслы. Налӧн фотообъективӧ веськалӧны медся мича рытъя да асъя кыаяс, налы сетӧны снимайтны асьнысӧ лэбачьяс да пемӧсъяс, найӧ пырӧдчылӧны гут-гаглӧн гуся олӧмӧ, найӧ аддзӧны мичсӧ омӧль поводдяысь да быдлунъя олӧмын миянлы […]
Пӧль-пӧчсянь кольӧмтор
Изьва районса челядьлы содтӧд тӧдӧмлун сетан шӧринын велӧдысь, Коми Республикаын национальнӧй спорт сикасъяс федерацияӧн веськӧдлысь, Россияын тайӧ спортыслӧн федерацияын водзмӧстчысь Михаил Артеев 27 во нин сӧвмӧдӧ национальнӧй спорт сикасъяс.
Лыйсьы стӧча, шедӧд ГТО пас!
Гожся тӧлысьясӧ республикаса квайт районын да юркарын 832 том морт видлісны вын-сямсӧ стӧча лыйсьӧмын, на пӧвстысь куимсё дасӧн шедӧдісны ГТО норма тыртӧм йылысь пас.
Няня-сола «Кӧйдыс»
Кольӧм вежонӧ Сыктыв районса войтыр бара на вочаалісны миян республикаысь да мукӧд регионысь воӧм фольклор котыръясӧс – Визинын мӧд во помся шыаліс-гажӧдчис «Кӧйдыс» том йӧз-лӧн этнофольклорнӧй фестиваль.
Эжвасалы козин
Эжваын, кӧні олӧ квайтымын сюрс морт, сӧмын ӧти ыджыд стадион – «Бумажник». Стрӧитлӧмаӧсь сійӧс Сыктывкарса вӧр комбинаткӧд ӧти кадӧ. Дерт, уна вонад стадионыс важмис, та вӧсна «Монди СЛПК» компания шуис выльмӧдны сійӧс. Уджыслысь медводдза юкӧнсӧ вӧчӧм могысь вӧлі вичмӧдӧма 80 миллион шайт.
Степан Потапов: Вылісянь тыдалӧ ставыс
Выль технологияяс пырӧны миян олӧмӧ лунысь-лун, а налӧн тӧдчанлуныс ӧтарӧ содӧ. Быдсикас техника да программа кокньӧдӧны быдлунъя тӧжд-мог да удж, гажӧдӧны миянӧс, и весиг он куж мӧвпыштлыны, кыдзи эськӧ овлісны ӧтуввез да смартфонтӧг кутшӧмкӧ 10-20 во сайын на… А думыштчылінныд-ӧ ті, мый выль пӧлӧс техника пуктӧ ыджыд пай войтырӧс неминучаысь дорйигӧн, дерт, морт отсӧгӧн?..
Видео | Ловъя серпас
Изьва районса Чика грездлы 140 во тырӧ. Тайӧ гӧгрӧс тшупӧда пас кежлас дас квайт арӧса водзмӧстчысь зон Генрих Немчинов неыджыд фильм (ловъя серпас – тадзи вуджӧдӧма фильм кывсӧ авторыс) снимайтӧма. Висьтавсьӧ сэні и история, и грездын олысьяс да налӧн талунъя тӧжд-майшасьӧм йылысь.
Игорь Поляк –XXI нэмся вӧр лэдзысь
«Монди Сыктывкарса ЛПК»-лӧн вӧр заптан Вылыс Эжваса участокысь Асыввыв отделениеын харвестерӧн уджалысь машинист Игорь Поляк босьтіс мӧд места «Лесоруб XXI века» ставроссияса конкурсын. Вӧр заптысьяс костын тайӧ тӧдчана ордйысьӧмыс муніс август 7-10 лунъясӧ Архангельск обласьтса Устьянскӧй районын.
Йӧзыс ошкӧмаӧсь
Март 18 лунсянь Коми Республикалы 100 во тыригкежлӧ логотип дасьтан конкурс вылӧ воӧма 247 удж. Ӧтуввезйӧн вӧдитчысьяс медуна гӧлӧс (3.898, либӧ став гӧлӧссьыс 55,3 прӧчентсӧ) сетӧмаӧсь Анелия Лянцевичлӧн да Полина Кратцлӧн серпас дор. Россияса дизайнеръяслӧн союзӧ пырысь Анелия Лянцевич велӧдӧ Сыктывкарса университетын, а Полина Кратц помалӧма СГУ-ысь культура да искусство институт.