СМИ холдинга

Общественно-политическая газета

Коми печатьлöн олан туйыс пансис 1917 воын, «Зырянская жизнь» газет петтöдз на. Сыöдз йöзöдiсны роч кыв вылын «Известия», «Яренская газета», «Известия Яренского уездного Совета крестьянских депутатов», «Коммунист», «Красный пахарь» газетъяс.

Лыддьыны

 

Литературно-художественный журнал

Журнал котыртöм-восьтöмыс нин 1926 вонас (а котыртысьяс лыдас вöлiны Илля Вась, Тима Вень, Нёбдiнса Виттор; найö сёрöнджык лоины и тшöтш журналса авторъясöн, Коми му пасьта нималана гижысьясöн) — ыджыд лоöмтор республика олöмын, öд «Ордым» нима выль петасыс öтувтiс ас бердас енбиа гижысь коми войтырöс, и литератураыс пырысьтöм-пыр жö кыпöдчис выль тшупöд вылö.

Лыддьыны

 

Детский журнал

Литературно-художественнӧй «Би кинь» журнал тӧдса быд коми мортлы. Ӧд коли нин кызь вит во сійӧ кадсяньыс, кор петіс медводдза номерыс. Сійӧс «бабитысьясӧн» вӧліны коми драматург Николай Фёдорович Белых, кывбуралысь да проза гижысь Виктор Егорович Напалков, проза гижысь Валентина Васильевна Иванова. А выльӧн «чужысьӧс» мичмӧдіс зэв жӧнималана морт-серпасасьысь Виталий Иванович Осипов. Со и артмӧ, мый ӧні журналсӧ нин видзӧдӧны сійӧс медводдзаӧн лыддысьясӧс весиг пӧль-пӧчӧн шуысьясыс.

Лыддьыны

 

Молодёжная газета

«Йöлöга» газет — Коми Республикаса том войтырлы коми кывъя дзик öти петас. Уна рöма, дас квайт лист бока газет петö вежоннас öтчыд, пекничаö. «Йöлöгалöн» медводдза номерыс петіс 1991 вося октябрь 15-öд лунö. А сыöдз «Югыд туй» газетын йöзöдлісны коми томуловлы «Йöлöга» лист бок.

Лыддьыны

 

Журнал сатиры и юмора

Шмонь да серам радейтысьяслöн «Чушканзi» («Оса») журнал — Коми Республикаса йöзöданторъяслöн медся арлыдаяс пиысь öти. «Чушканзiлöн» медводдза номерыс петiс 1957 вося август тöлысьын, «Коми колхозник» (сёрöнджык «Югыд туй», öнi «Коми му») газетлöн приложениеöн. 1978 восянь журнал заводитö йöзöдчыны торъя изданиеöн. 2004 воын «Чушканзi» пырис «Коми му» газет редакция» Коми Республикаса автономнöй учреждение борд улö.

Лыддьыны

Пролистать наверх