Журнал йылысь
Литературно-художественнӧй «Би кинь» журнал тӧдса быд коми мортлы. Ӧд коли нин кызь вит во сійӧ кадсяньыс, кор петіс медводдза номерыс. Сійӧс «бабитысьясӧн» вӧліны коми драматург Николай Фёдорович Белых, кывбуралысь да проза гижысь Виктор Егорович Напалков, проза гижысь Валентина Васильевна Иванова. А выльӧн «чужысьӧс» мичмӧдіс зэв жӧнималана морт-серпасасьысь Виталий Иванович Осипов. Со и артмӧ, мый ӧні журналсӧ нин видзӧдӧны сійӧс медводдзаӧн лыддысьясӧс весиг пӧль-пӧчӧн шуысьясыс. Став кад чӧжыс «Би кинь» журнал лэдзысьяс ассьыныс медся ыджыд могӧн шулісны коми кыв да литература сӧвмӧдӧм. Сідз нин лоис, мый журналса главнӧй редакторъясӧн век вӧліны нималана коми гижысьяс. Николай фёдорович Белыхӧс лои нин гарыштӧма. Сы бӧрын тайӧ уджсӧ нуӧдіс кывбуралысь Александр Михайлович Лужиков. Сэсся лои проза гижысь Александр Васильевич Ульянов. Ӧні главнӧй редакторлысь «нопсӧ» кыскӧ драматург да прозаик Алексей Вячеславович Попов. Коми кыв да литература радейтӧмысь ӧприч журнал пуктімог – сӧвмӧдны быдмысь войтырлӧн вежӧрын чужан му дорӧ муслун, зільӧ, медым челядь эз вунӧдны Коми мулысь тӧрытъя лунсӧ. Век корсьӧ енбиа нывкаясӧс да зонкаясӧс. Унаӧн ӧнія том гижысьяс пӧвстысь ассьыныс медводдза кывбурсӧ либӧ висьтсӧ аддзисны буретш «Би киньлӧн» лист бокъяс вылысь
1986 вося юль тӧлыссьянь, кор мыччысис журналлӧн медводдза номерыс, сійӧ пыр жӧ лои зэв коланаӧн да матыссаӧн. Редакциялӧн ним вылӧ быд во воӧ сюрсысь унджык письмӧ. Быдмысь войтыр ыстӧны радейтана «Би киньыслы» ассьыныс висьтъяс, кывбуръяс, шусьӧгъяс, нӧдкывъяс да серпасъяс. И радлӧны, кор казяласны ассьыныс уджсӧ сылӧн лист бок вылысь. Коми кыв да литература велӧдысьяслы журнал отсасьӧ нуӧдны урокъяс. Ӧд нималана коми гижысьяслӧн выльӧн гижӧм уна висьт да кывбур петӧ буретш тані. Редакцияын уджалысьяс оз вунӧдны и ассьыныс ылысса рӧдвужсӧ. Кадысь-кадӧ сылӧн лист бокъяс вылын мыччысьлӧны мари, удмурт, коми-пермяк, эрзя да мокша войтырлӧн гижӧдъясыс. «Би кинь» журналлӧн редакция век зільӧ пыртны аслас уджӧ выльтор. Со нин сизим во «Би киньлы» сиӧм гаж мунӧ республикаа районъясын. Медым нуӧдны татшӧм кыпыд аддзысьлӧмсӧ, медводз петӧ быдса номер, кодӧс лэдзны отсалісны районса енбиа нывкаяс да зонкаяс. Сэсся найӧс чукӧртӧны шӧрсиктӧ, кӧні и мунӧ кыпыд гажыс. Мукӧддырйиыс районын татшӧмыс ӧкмылӧ сизимдасысь унджык. Но быдӧнлы вичмӧ бур кыв да козин. Тайӧ праздникъяссӧ некор оз вунӧдны Изьваса, Койгортса, Кӧрткерӧсса, Кулӧмдінса, Усинкса да мукӧд районъясын олысь челядь.
Лыддьыны сьӧкыд, мыйтта бур кыв, диплом шедӧдіс аслас водзмӧстчана уджӧн «Би кинь» журнал тайӧ кызь вит вонас. И водзӧ на вичмасны. Ӧд редакцияын уджалысьяс век зільӧны корсьны, мыйӧн эськӧ бара шензьӧдны посни войтырӧс. И дерт, отсӧг виччысьӧны лыддьысьысьяссянь. Налысь вӧзйӧмъяссӧ артыштӧмӧн кӧсйӧны мунны водзӧ…
О журнале
Литературно-художественный, иллюстрированный журнал «Би кинь» («Искорка») является республиканским изданием для детей дошкольного и младшего школьного возраста. Выходит ежемесячно, на коми языке. Главное содержание журнала – эстетическое и нравственное воспитание детей школьного и младшего школьного возраста, пропаганда родного языка и литературы, истории и культуры народа коми, участие в детских мероприятиях проводимых в республике, поиск юных талантов (прозаиков, поэтов, художников).
Первый номер журнала вышел в свет в июле 1986 года и быстро завоевал популярность среди коми детей. Журнал красочный, живой, в нем много иллюстраций как профессиональных художников, так и самих детей, читателей «Би кинь». Тираж журнала в настоящее время один из самых высоких среди подобных изданий финно-угорских образований России. «Би кинь» выписывают и читают практически в каждой третьей коми семье. Особой популярностью пользуется журнал в сельских районах республики, где «Би кинь» можно увидеть и в национальной школе, и в детском садике, и в библиотеке. Учителя коми языка и литературы используют журнал в качестве наглядного пособия на своих уроках. Ведь в каждом номере «Би кинь» можно найти рассказы и стихи коми писателей, сказки, пословицы и поговорки народа коми, информацию, связанную с историей, культурой коми края, другими родственными народами финно-угорского мира и т.д.
Традиционными стали праздники журнала «Би кинь» в районах Республики. Каждый такой праздник собирает сотни читателей и почитателей журнала. Они приезжают из самых отдалённых сёл и деревень. Праздник журнала «Би кинь» — это целое театрализованное представление, красочное шоу, где главный герой – веснушчатый мальчик «Би кинь», прообраз журнала. Самые умные, самые талантливые, самые весёлые мальчишки и девчонки получают призы.
Наш журнал завязывает тесные творческие связи с другими детскими журналами финно-угорских регионов России. В частности, мы выпустили большую подборку материалов об удмуртском журнале «Кизили». Подобные обменные полосы и развороты мы намерены подготовить и для детских журналов Марий Эл, Мордовии, Коми-Пермяцкого автономного округа.