Издательский дом Коми

Январь 14 лунӧ республикаса юралысьлӧн Общественнӧй приёмнӧйын, кӧні сёрниыс муніс уна челядя семьяяслы социальнӧй отсӧг йылысь, «веськыд йитӧда» телефон пыр звӧнитліс кызь нёль морт. На пиысь унджыксӧ медсясӧ майшӧдліс, содас-ӧ пособие-льготаыс да кутшӧм выль кокньӧд лоас 2020 воын.

«РусЛайн» авиакомпания заводитіс вузавны Сыктывкарсянь Кардорӧ, Краснодарӧ, Самараӧ, Нарьян-Марӧ, Калининградӧ да Екатеринбургӧ авиабилетъяс.

Январь 14 лунӧ Коми Республикаса юралысь Сергей Гапликов воліс Сыктывкарын регионса перинатальнӧй шӧринӧ, аддзысьліс сэні кага вайысьяскӧд, врачьяскӧд.

Киӧн гижӧм важся небӧгъясын медводдза шыпассӧ век мичмӧдлӧмаӧсь. Вужвойтырлӧн кывъяслы сиӧм воӧ Россияса финн-йӧгра культура шӧрин збыльмӧдӧма «Парад букв» удж-тас, корӧма киподтуя йӧзӧс серпасавны, мыйыськӧ вӧчны роч анбурысь шыпасъяс.

Кыдзкарын олӧ шань пӧч

Усинскын кыпыда нимӧ-дісны Коми Республикаын да Ненеч автономия кытшын «ЛУКОЙЛ» компаниялӧн социальнӧй да культурнӧй проектъяслы сиӧм дас витӧд конкурсын вермысьясӧс. Таво дипломъяссӧ вӧлі сетӧма медся бур дум-кӧсйӧмӧн шыӧдчысь 70 мортлы.

Василий Чувьюров сьыланкывъяссӧ чукӧртӧ вӧрса пемӧсъяссянь: ошлы дӧзмӧдчис, сэсся руч дорӧ котӧртіс. Василий Лодыгин Японияӧ ветлӧма, а Василий Гущин вӧтасьӧ, быттьӧ корӧны сылысь «Василейсӧ», а сійӧ оз сет…

Во-мӧд сайын «Василей» гаж видзӧдны билетла йӧзыс нёль час асывсянь вӧлі ӧчередӧ сувтӧмаӧсь и ставсӧ сизим минутӧн ньӧбӧмаӧсь.

Сыктывкарысь педагог, 35-ӧд номера школаын роч кыв да литература велӧдысь Татьяна Политова лоӧма миян странаын «Россияса войтыръяслӧн кыв да культура: видзны да сӧвмӧдны» нималана конкурсын вермысьӧн. Юркарса 15-ӧд номера школаысь сылӧн уджъёртыс Елена Штремпел воӧдчӧма конкурсыслӧн финалӧдз.