Уджӧ босьтчис выль юралысь

Сентябрь 23 лунӧ Сыктывкарын республикаса филармонияын кыпыд чукӧртчылӧм дырйи регионса юралысьлӧн уджӧ босьтчӧмӧн чолӧмалісны Владимир Уйбаӧс, код вӧсна гӧлӧсуйтіс Комиын 73,16 прӧчент бӧрйысьысьыс.

Гӧсьтыс вӧлі зал тыр, на лыдын Коми Госсӧветысь депутатъяс, регионса Оланподув ёрдысь судьяяс, дӧвереннӧйяс да унаӧн мукӧд.

Владимир Уйба сетіс присягасӧ медводз коми, а сэсся роч кыв вылын, та дырйи кыпыда кӧсйысис, мый мӧдас кывкутӧмӧн пӧртны олӧмӧ Коми Республикаса юралысьлысь уджмогъяссӧ, пыдди пуктыны да дорйыны йӧзлысь правояссӧ да вӧлясӧ, подуласьны аслас уджын Россия Федерациялӧн Конституция, федеральнӧй оланпасъяс, Коми Республикалӧн Оланподув да законъяс вылӧ.

Став колана документсӧ вынсьӧдӧм бӧрын юргисны Россиялӧн да Коми Республикалӧн кыпъяс. Сьылісны найӧс филармонияысь артистъяс.

Уджӧ босьтчис выль юралысь

«Коми му» газетысь, кодӧс позьӧ судзӧдны пошта пыр, позьӧ ньӧбны «Ордым» лавкаын. Медым лыддьыны электроннӧй версия, личкӧй татчӧ. Эмӧсь кӧ юалӧмъяс, гижӧй komi-kerka@ya.ru.

Пролистать наверх