Декабрь 12-15 лунъясӧ Санкт-Петербургса «Экспофорумын» котыртлісны «Выльвося козин» выставка-ярманга.
Мед вӧлі кӧні челядьлы ворсны…
Комиын меставывса асвеськӧдлан тэчасъяс (ТОС-яс) босьтчисны котыртавны 2013 воын. Сэні зільысь-водзмӧстчысьяс ӧдйӧ гӧгӧрвоисны, мый сикт-грезд сӧвмӧдӧм вылӧ сьӧмсӧ позьӧ судзӧдны республикаса экономика да видз-му овмӧс министерствояслӧн, «ЛУКОЙЛ» компаниялӧн конкурсъяс, а сідзжӧ Россияса президентлӧн грантъяс отсӧгӧн.
Нывбаба-мамлы – ыджыдджык отсӧг
Локтан 2020 воӧ Комиын нӧбасьысь аньяслы да ичӧт каганысӧ морӧсӧн вердысь нывбаба-мамъ-яслы пособие вичмӧдӧм вылӧ регионса бюджетысь шуӧма видзны 67 миллион сайӧ шайт, тавося татшӧм рӧскодсьыс 17 пӧв унджык.
Йӧзлы тӧдчана уджтасъяс ӧтув збыльмӧдны
Декабрь 16 лунӧ Коми Республикаса юралысь Сергей Гапликов аддзысьліс уджмогъяс кузя «ЛУКОЙЛ-Коми» ООО-са генеральнӧй директор, регионын «ЛУКОЙЛ» компанияса президент Александр Голованевкӧд.
Олӧмыслысь гуг и бан петкӧдлӧма-восьтӧма
Коми Республикаса Национальнӧй галереяын воссис «Кыв шутӧг-2» выставка. Петкӧдлӧма сэні «Чушканзі» журналын уна воясӧ йӧзӧдлӧм карикатураяс.
Мусаӧсь, шаньӧсь, мичаӧсь…
Мусаӧсь, шаньӧсь, мичаӧсь… Муса, шань, мича, енбиа, уджач, унатор тӧдӧ да кужӧ, ас войтыр пӧвстын олӧ да ас кывйӧн сёрнитӧ, радейтӧ чужан му да водзӧ нуӧдӧ традицияяс – татшӧмӧн аддзӧны Райда нылӧс «Райда» конкурсын вермасьысьяс. Во кост мысьт ордйысьӧмсӧ нуӧдлӧны кар-районса да регионса тшупӧдъясын. Кольӧм вежон помын республикаса конкурсын ассьыс вежӧр-сям петкӧдлісны квайт муниципалитетысь сизим […]
Ӧти ворсӧмын Йиркап, Яг-Морт да Ёма
«Чужан мулӧн мойдъяс» пызанвывса ворсӧмӧн тӧдмӧдісны KomiExpoTravel войтыркостса форум—выставка вылӧ волысьясӧс Коми Республикаса йӧзкостса творчество шӧринын зільысьяс.
«Эзысь борд» да «Видза, «Войвыв кодзув»!
Кыдзи и быд во, ноябрь помын вӧчисны «Войвыв кодзув» журналӧн, Коми Республикаса гижысь котырӧн да национальнӧй политика министерствоӧн йӧзӧдан «Эзысь борд» конкурслы кывкӧртӧд. Конкурсӧ пырӧдчысьясӧс да сэні вермысьясӧс та пӧрйӧ шоныда вочаа—лісны—чолӧмалісны Питирим Сорокин нима госуниверситетлӧн Камернӧй залын.
Дыр лоӧ виччысьны
Республикаса юралысьлӧн Общественнӧй приёмнӧйын «веськыд йитӧда» телефон пыр сёрни нуӧдігӧн Коми Республикаын судса приставъяслӧн федеральнӧй служба управлениеӧн веськӧдлысьлысь уджмог вӧчысь Алексей Поминов висьталіс бать-мамтӧм челядьӧс патераӧн могмӧдӧм йылысь.
Унатор на майшӧдлӧ йӧзсӧ
Комиын «Единая Россия» ютырлӧн Общественнӧй приёмнӧйын вӧчӧмаӧсь тавося ноябрь 25 — декабрь 1 лунъясӧ «Личнӧй приём» нуӧдан вежонлы кывкӧртӧд. Кыдз тыдовтчис, республикаын олысьяскӧд син на син аддзысьлӧм могысь восьтылӧмаӧсь содтӧд 139 площадка. Йӧзсянь воӧма 552 шыӧдчӧм. Ютырӧ пырысьяс дорӧ аслас тӧжд-могӧн волӧма 264 морт.