Миян Одыб сиктын Ыджыд война кадö тылын Победа дорысьыс коли 23 морт. Неважöн мунiс таладоръюгыдсьыс Анна Васильевна Габова.
Сöмын кöсйöмыд этша на
Март 31 лунö Изьва районса администрацияын кыпыда чолöмалісны Зинаида Липинаöс, коді лоис лызьöн котралöм кузя Россияысь спортса мастерöн. Районса юралысьлысь удж вöчысь, администрацияöн веськöдлысь Роман Селиверстов сетіс сылы почёт ним йылысь удостоверение да морöсвывса пас, сиис спортын гырысь вермöмъяс.
Йöзлысь олöмсö бурмöдöмöн
Коми войтырлöн XII съезд дырйи пансьылiс республикаын экономика да социальнöй юкöн сöвмöдöм йылысь сёрни. Миян медматысса рöдвуж, перымса комияс, окотапырысь кывзiсны делегатъяслысь висьтасьöмсö, зiлисны босьтны бурсö, юксьыны асланыс шедöдöмторъясöн.
Автобусыд бара эз лок…
Коронавирус паськалöм вöсна Сыктывкарсянь республикаса мукöд кар-районö эз мöдны ветлыны автобусъяс. Сöмын Кировöдз суткинас кыкысь позьö воöдчыны автобусöн. Но öд и таöдз миян уна сикт-грездö йöзыс ветлісны сöмын сідз шусяна частникъяскöд. Сідзкö, абу сöмын лёк висьöмын помкаыс? Вежсяс-ö серпасыс бурланьö? Кор позяс сиктсянь асывнас автобусöн мунны карö, а рытнас бöр локны гортöдз?
И волонтёрлы колö отсöг
Сыктывкарса вöр институтöн веськöдлысь, Коми Республикаса Общественнöй палатаö пырысь Любовь Гурьевалöн кывъяс серти, öнiя олöмыс корö, медым государство быд ногыс отсалiс ас кöсйöм сертиныс зiльысьяслы, волонтёръяслы. И тайöс пö пасйöма странаса Оланподулö пыртöм могысь вöзйöм вежсьöмъяслöн балаö.
Öнi шöр могыс – водзсасьны коронавируслы паныд
Апрель 2 лунö Коми Республикаса юралысь Сергей Гапликов дугöдчис аслас уджмогъясысь. Тайö жö лунö Россияса президент индіс Комиын юралысьлысь удж вöчысьöн Владимир Викторович Уйбаöс, коді таöдз вöлі Россияса йöзлысь дзоньвидзалун видзöм кузя министрöс вежысьöн. Специальносьт сертиыс — врач-гигиенист, эпидемиолог.
Медым кагалы вичмис сёян, мам-батьлы колӧ шыӧдчыны велӧдчанінӧ
Республикаса школаясын да СПО-ясын велӧдчысьяслы сетасны сёян. Сідз шусяна “кос паёк” вичмӧдасны налы, кодъяс сёйлісны велӧдчанінын дон босьттӧг. Та йылысь пасйӧма «О введении режима повышенной готовности» (вежсьӧмъяс пыртӧма 2020 вося апрель 3 лунӧ) юралысьлӧн 16-ӧд номера индӧдын.
«Ӧні миян медшӧр мог – паськыдджыка нуӧдны туялан удж…»
Тӧрыт, апрель 5 лунӧ, Владимир Уйба медводдзаысь шыӧдчис республикаса олысьяс дорӧ. Видеоын юралысьлысь удж вӧчысь висьталіс, кутшӧм удж нуӧдсьӧ коронавируслы паныд водзсасьӧм могысь.
Коронавирус Комиын: бӧръя юӧр
Комиын нӧшта комын ӧти мортлӧн сюри коронавирус. Та йылысь юӧртӧ rkomі.ru портал. Став висьысьсӧ заводитісны нин бурдӧдны.
Пӧсь линия
Кыдзи видзчысьны коронавирусысь суйӧр сайысь воӧм мортлы, висьталасны 8-800-55-00000 телефон пыр.