Дона ёртъяс! Вӧрса лудікъяс (клещьяс) заводитӧмаӧсь нин курччасьны миян республикаса вӧръясын. Босьтӧй тӧд вылӧ, кыдзи сыысь видзчысьны да, курччис кӧ нин — кыдзи колана ногӧн перйыны. Видзӧй асьнытӧ!
Сарапулын – коми рыт
Гранта уджтаскӧд йитӧдын гижам Удмуртияса Сарапул карын коми рытпук нуӧдӧм йылысь. Сэтчӧс «Содружество» карса общественнӧй котыр ыджыд удж нуӧдӧ томуловӧс сӧвмӧдӧм могысь, тшӧтш и регионъяскӧд йитӧд кутӧ, медым Сарапулса ныв-зон бура тӧдісны мукӧд войтырлысь культура-оласногсӧ. Та понда радпырысь окотитісны нуӧдны асланыс карын коми рытпук. Казьтыштам, таӧдз татшӧм аддзысьлӧм-гажсӧ нуӧдісны Марий Элса Йошкар-Олаын. «Содружествоӧн» веськӧдлӧ Юлия […]
Гитара шы кольмӧдіс юр
Неважӧн Кулӧмдінса культура керкаын муніс зэв аслыспӧлӧс гаж – «Не детский рок-н-ролл». Тайӧ вӧлі «Платформа» студиялӧн отчётнӧй концерт. Гажыс юргис часӧн-джынйӧн. Сьылан-ворсан кужӧмлун-енбинас видзӧдысьяскӧд юксисны челядь и верстьӧ войтыр. Гаж котыртӧмын водзмӧстчысь Никита Рассыхаевкӧд и артмис дженьыдик сёрниным. – Татшӧмсяма концертыс Кулӧмдінын вӧлі медводдзаысь, – заводитіс висьтасьӧмсӧ том морт. – Гажын ворсысь-сьылысьясыс – менам студияӧ […]
Синмыс сюсь, пельыс чош
Кызь во сайын искусство гимназияӧ «Горадзуль» этнокультура слёт вылӧ чукӧртчылісны республикаса школаясысь гырысь классъясын велӧдчысьяс. Сэки жӧ шуисны лэдзны альманах, а нимтісны петассӧ «Горадзулльӧн» жӧ. Кольӧм пекничаӧ «горадзулькаяс» (тадзи ыдждӧдлӧны ёрта-ёртсӧ альманах дасьтысь том журналистъяс) нимӧдісны петас лӧсьӧдӧмсянь тшупӧда пас, казьтыштісны вӧвлӧмсӧ, тӧд вылас уськӧдісны медбур гижӧдъяс, весиг сорсьылӧмъяссӧ явитісны – а кыдз нӧ натӧг, […]
Шыладын – сьӧлӧмкылӧм-думыс
Кутшӧм шылад воӧ тэныд сьӧлӧм вылад? Быдӧн ас ногыс, дерт, вочавидзас, ӧд шыладын – сьӧлӧмкылӧм-мӧвпъясыд. Со, шуам, юркарысь Никита Климычев радейтӧ рок. – Важӧн нин татшӧм шыладас кыскӧ сьӧлӧмӧс, гашкӧ, ёртъясӧй «сьӧкыд» музыкасӧ радейтісны кывзыны да. Медводз сідз кывзім шыладсӧ, а сэсся сёрнитчим ӧтувтчыны рок-котырӧ. Ме бӧрйи бас-гитара, кодӧс 15 во нин киысь ог лэдзлы. […]
Зі да Черань, Пытш да Ном…
Вӧлінныд-ӧ коркӧ Зілӧн да Чераньлӧн кӧлысь вылын? Серамыс, чайта, уналӧн петіс татшӧм юалӧм вылад. Но татшӧм позянлуныс збыльысь вӧлі апрель 19 лунӧ юркарса коми культура шӧринӧ «З-з-з-і» радейтчана-криминальнӧй водевиль вылӧ волысьяслӧн. Гажсӧ сиисны «Чушканзі» журналлӧн 65 тшупӧда паслы. Ок, и ёна серамсӧ петкӧдліс КВН-ын ворсысьяслӧн юркарса «Километръяс» котыр. Быдӧн кужис сьӧлӧмсяньыс пырӧдчыны аслас рольӧ. «Чушканзі» […]
Шензьӧдана Байкал
Кӧрткерӧс районса содтӧд тӧдӧмлун сетан шӧринысь «Сокол» котыр мӧдысь нин ветліс Байкал ты дорӧ. Кольӧм во кытшовтісны рытыввывса Сибыр, а таво мӧвпыштісны ёнджыка асывладорнас тӧдмасьны. Ас водзаныс сэтшӧм мог и пуктісны – тӧдмасьны Сибырын олысь войтырлӧн – тоф, бурят да эвенк – культура-традицияӧн да оласногӧн. А такӧд тшӧтш ас синмӧн аддзывны Байкал: кутшӧм сійӧ тӧвнас, […]
Сӧмын на вои, а шензя нин!
«Ӧні, кор пукала нин шоныд керкаын, бур жӧ казьтывны Ямалӧ ветлӧмӧс. Ок, ёна дӧнзьӧдіс менӧ поводдяыс! Бушков, кӧдзыд… А ставыс сы ради, медым аддзывны ненечьяслысь Войвылӧ мунӧмсӧ, аргышсӧ». Тайӧ пасйӧдыс нималана фотограф-путешественник Даниил Коржоновлӧн дневникысь. Шензьӧдана фото да видео сылӧн артмӧмаӧсь яранъяскӧд олігӧн. Вӧлӧмкӧ, Даниил радейтӧ путешествуйтны став мир пасьта, а аслас уджъясын петкӧдлӧ уна […]
«Сьӧкыд уджсьыд ог пов…»
Кодӧскӧ, гашкӧ, и кезйӧдлӧ санитарка уджысь. Гашкӧ, и дивитас на, мӧдлаӧ пӧ некытчӧ абу шогмӧма. А ӧд тайӧ зэв колана профессия. Ен мед видзас чорыда висьмӧмысь, сэки и гӧгӧрвоан, мыйта вын да терпенньӧ колӧ больничаын уджалысьлы. Медсестралӧн веськыд ки Кӧрткерӧс районса Зулӧб грездын чужлӧм-быдмӧм Зинаида Игушева некор абу мӧвпавлӧма, мый коркӧ сійӧ кутас тӧждысьны висьысьяс […]
Медбуръяссӧ корасны уджавны
2014 восянь «Монди СЛПК»-ын уджалӧ специалистъясӧс дасьтан школа. Тайӧ проект сертиыс таво велӧдчӧны автоматизация да метрология службаын уджавны кӧсйысьяс. КИПиА специальносьт босьтӧны Сыктывкарса вӧр промышленносьт, сервис да связь колледжъясысь, юркарса политехническӧй техникумысь студентъяс. Сідзжӧ комбинатын стажируйтчӧны шӧр специальнӧй велӧдчанінъясысь куим преподаватель. Найӧ аддзысьлӧны «Монди СЛПК»-ын зільысьяскӧд, вӧчӧны практика боксянь тӧдчана удж. Велӧдчан во помын ставныслы […]