Сыктывкарын олысьяс норасьӧмаӧсь Комиын ставроссияса Народнӧй фронтлӧн юкӧнын зільысь-водзмӧстчысьяслы, коммунальщикъяс пӧ уна керка вевт вылысь лымсӧ оз весавны ни йинёньсӧ оз гылӧдны. Юр вылад кӧ пӧ туктаыс усяс, доймыны да весиг кувны верман.
Уджавны да велӧдчыны некор абу сёр
Кольӧм воын 140 сідз шусяна предпенсионер, кодъяслы вит во мысти позяс петны пенсия вылӧ, босьтісны выль тӧдӧмлун да содтӧд профессия. Та йылысь юӧртісны март 5 лунӧ республикаса юралысьлӧн Общественнӧй приёмнӧйын «веськыд йитӧда» телефон пыр сёрнитігӧн.
Сиктса йӧзлы – став коланасӧ да тӧдчанасӧ
Эжва йывса парма-ягын медся уна угоддьӧ кӧртымалӧ да медся уна жӧ вӧр заптӧ «Монди Сыктывкарса ЛПК» акционер котыр.Февральын Кулӧмдін районса администрацияын чукӧртчылӧм дырйи сёрниыс муніс вӧр овмӧсын буретш тайӧ нималана предприятиеыслӧн да сылӧн котыръяслӧн уджалӧм йылысь.
А, гашкӧ, пӧимӧн?
Борщевиклы паныд тышкасьӧм йылысь сёрни муніс Госсӧветын республикаса сӧветъясӧн веськӧдлысьяслӧн сӧветлӧн семинар дырйи.
Ставсӧ ас кадӧ да бура вӧчӧмӧн
Таво ноябрь помын шуӧма помавны Сыктыв районса Визин сиктын выль школа кыпӧдӧм кузя став уджсӧ.
Чум-музейӧ кӧр видзысьяс ордӧ волӧмӧн
Регионъяскостса «Изьватас» общественнӧй ӧтмунӧм лоис Россия Федерацияса президентлӧн грантъяс вылӧ конкурсын вермысьясысь ӧтиӧн. Чум-музей кыпӧдӧм кузя проект збыльмӧдӧм вылӧ коми-изьватаслы вичмас 499.810 шайт.
Олӧмыс куим вӧлӧн рӧдтӧ…
Олӧмыс куим вӧлӧн – сьӧд, биа да еджыд вӧвъясӧн – рӧдтӧ. Сьӧдыс кольӧм кадсӧ нуӧ, биа-гӧрднас ӧнія олӧмным мунӧ-лэбӧ, еджыдыс нуӧдас миянӧс водзӧ.
Медся кузь да сьӧкыд туйӧд – йӧзлань!
Нималана коми тележурналист Ӧльӧксан Пивкинӧс тӧдӧны республика пасьтала. Коми Республикаса телеканалын «Вочакыв» уджтас – сылӧн быдтас, кодӧс окотапырысь видзӧдӧны и комияс, и став финн-йӧгра вужвойтыр. Енбиа журналист мунӧ медкузь да медсьӧкыд туйӧд – йӧзлань. Найӧс водзмӧстчысь турист корсьӧ ылі туйясын.
И «эзысь воясыд» – дзоридзалан кад
Пенсия вылӧ петӧм бӧрын олӧма мортлы абу на окота олӧмсьыс бӧрӧ кольччыны. Со и Сыктывкарысь «эзысь арлыда» кӧкъямысдас сайӧ ань да мужичӧй шуисны аслыныс: «Пӧрысьмыны колӧ мичаа!» да ветлӧдлӧны бальнӧй йӧктӧмъяслӧн «Секрет молодости» школаӧ.
Ас му вылын ас йӧзкӧд
Томлун вылас видзӧдтӧг Генрих Немчинов нималӧ Изьва районын олысьяс, торйӧн нин томулов пӧвстын. Нималӧ быдлунъя олӧмысь прӧстӧй, серам петкӧдлана видеосюжетъяснас. Но прӧстӧйӧсь найӧ сӧмын медводдза видзӧдлас серти. Збыльвылассӧ наын воссьӧны войвыв ылі пельӧсын олӧмлӧн сюрӧсыс, нэмӧвӧйся традицияясыс да уна нэмӧн лӧсьӧдӧм оласногыс.