Сӧвет кадся техника чукӧртӧ Луздор районса Лопъювомысь Никита Шурмин. Чужан посёлокас сійӧ восьтӧма музей, кытчӧ виччысьӧ экскурсияӧн и верстьӧӧс, и томуловӧс. Водзмӧстчысь мужичӧй чукӧртӧ техникасӧ да дзоньталӧ сійӧс аслас сьӧм вылӧ да ачыс. Музеяс талун СССР кадся 50 гӧгӧр нин мототехника: кык мотоколяска, 2 скутер, мотоблок, мотоцикл, мотороллер, мопед, велосипед, сідз шусяна мокик да педаля […]
Быд во – зарни медаль
Летка вожса Гурьёвчиын начальнӧй школаыс воссьылӧма 1912 воын. Сылӧн стрӧйбаыс и ӧні на сулалӧ, сэні меститчӧм музейын позьӧ тӧдмасьны и сиктыслӧн, и школаыслӧн историяӧн, и татчӧс войтырлӧн оласногӧн. Велӧдчанінлысь сё дас вося юбилейсӧ Гурьёвчиын пасйисны кольӧм пекничаӧ. И лӧсьыда ставсӧ мӧвпыштӧмаӧсь, медым и ныв-зонмӧс гажӧдыштны, и велӧдысьясӧс нимӧдны, а субӧтанас нӧшта и вӧвлӧм велӧдчысьяссӧ чукӧртлыны […]
Оз кӧ тырмы – лёк, но и вывтіасьны оз позь
Кузь тӧв вуджӧм бӧрын тулысладорыс уналӧн омӧльтчӧ сідз шусяна иммунитетыс. Мыжаыс пӧ – авитаминоз! Мыйсяма тайӧ нёрпалӧм? И позьӧ-ӧ сыысь мынтӧдчыны? Миян корреспондентлы тайӧ да мукӧд юалӧм вылӧ вочавидзисны челядьлӧн Сыктывкарса коймӧд номера поликлиникаысь педиатрия юкӧнӧн веськӧдлысь Галина Габова да верстьӧлӧн юркарса татшӧм жӧ номера бурдӧдчанінысь терапевт Мария Морохина. –Медводз колӧ гӧгӧрвоӧдны, мый авитаминозыс паныдасьлӧ […]
Колӧ лыддьысьны чужан кывйӧн
Кольӧм вежонӧ Коми йӧзӧдчан керкаын зільысьяс ветлісны Удмуртияӧ, медым рӧдвуж войтыркӧд ӧтвылысь пасйыны Национальнӧй печать лун. Удмуртияын медводдза газет – «Войнаысь ивор» («Войнасянь юӧр») – петӧма 108 во сайын февраль 4 лунӧ. Йӧзӧдӧмаӧсь удмурт кыв вылын. Сійӧ и лоӧма республикаас журналистикалы подув пуктысьӧн. Ӧні тайӧ газетыс шусьӧ «Удмурт дунне» («Удмуртияса мир»). Тӧдчана пай – Талунъя […]
Кор кывзӧны да кылӧны
Февраль тӧлысь Коми йӧзӧдчан керкаса зільысьяслы заводитчис тӧдчана лоӧмторсянь – пӧсь тшай юигмоз ёрта сёрни вылӧ волыны миянӧс корис Коми Республикаса юралысь Владимир Уйба. Дзик пыр колӧ тӧдчӧдны, мый миянкӧд – коми газет-журналын веськӧдлысьяскӧд – татшӧм аддзысьлӧмыс вӧлі медводдзаысь на! И миянлы таысь торйӧн нимкодь! Нӧшта на сьӧлӧмнымӧс мавтыштіс коми газет-журналнымӧс юралысьлӧн вылӧ донъялӧмыс. – […]
Нелямын во сынӧдын
Михаил Кайгородов чужӧма-быдмӧма Алтай крайса Барнаул карын. А зонпосни пиысь коді оз мӧвпав лэбавны?! Школа бӧрас пырӧма велӧдчыны Выборгса авиационнӧй училищеӧ. Диплома специалистӧс ыстӧмаӧсь Войвылӧ, Печораса лётнӧй отрядӧ. И 1974 восянь нелямын во лэбалӧма Комиын парма-яг да тундра весьтті. Ми-6, Ми-8, Ми-10 вертолётьясӧн нуӧма-вайӧма йӧзӧс, быдсикас груз. Ковмылӧма и корсьны вошӧмаясос да нуны больничаӧ чорыда […]
Удоралӧн чужӧмбан…
Январь 23 лунӧ Сыктывкарса коми культура шӧринын воссис Удора районысь вӧвлӧм фотокорреспондент Александр Селивановлӧн «По следам районки «Выль туйӧд» фотовыставка. Александр Селиванов уна во зілис-уджаліс Удора районса «Выль туйӧд» газетын фотокорреспондентӧн. Аслас фотоаппаратӧн кытшовтіс, и эз ӧтчыдысь, ставнас Удорасӧ да, кыдз шуласны, бура тӧдӧ сэтысь быд пельӧс, сикт-грездын олысьясӧс. Воясӧн, дерт, чукӧрмис вель уна снимок, […]
Велӧдысьӧс нимӧдам!
Россияса президент Владимир Путинлӧн индӧд серти 2023 восӧ миян странаын сиӧма велӧдысьлы да наставниклы. Сы могысь, медым нимӧдны налысь йӧзлы колана, кывкутана да тӧдчана уджсӧ. Январь 27 лунӧ ми такӧд йитӧдын Усвавомса культура керкаын котыртлім «Виват, педагоги!» гаж. Кыпыд аддзысьлӧм вылӧ чукӧртчылісны ставӧн, кодъяслӧн уджныс йитчӧма челядьӧс да том йӧзӧс велӧдӧмкӧд – Усвавомса да Нӧвикбӧжса […]
Чайтанныд, лым тола? Абу! Машина!
Воддза воясӧ серти таво оз ёна нӧбӧд. Выль воӧдз Сыктывкарса коммунальнӧй служба машинаясӧн полигон вылӧ нуӧмаӧсь 13 сюрс кубометр лым, таво нин Рӧштвоӧдз – нӧшта 15 сюрс. Талун кежлӧ юркарса уличаясысь суткинас шӧркодя чукӧртӧны 2,5 сюрс кубометр. Но тшӧкыда коммунальщикъясӧс джӧмдӧдӧны туй бокас кольӧм машинаяс. Кытчӧ да кор позьӧ сувтӧдны вой кежлӧ кӧрт вӧвтӧ? Мый […]
Коймӧд кага вайӧмысь
«Демография» нацпроект весьтӧ Комиын квайт сюрсысь унджык семья босьтӧма кольӧм во коймӧд кагаӧс чужтӧмысь быд тӧлысся пособие. Та могысь бюджетысь видзӧма миллиардысь унджык шайт. Регионса удж, занятосьт да йӧзӧс соцальнӧя доръян министерствоысь юӧр серти, таво татшӧм отсӧг сеталанногсӧ вежӧмаӧсь. Сьӧмсӧ мынтӧны Социальнӧй фонд пыр кыдзи ӧтувъя (универсальнӧй) пособие, кӧні артыштӧма челядя семьялы мынтан став сьӧма […]