Издательский дом Коми

«Демография» нацпроект весьтӧ Комиын кыпӧдасны юркарын Тентюковса да Сыктыв районын Кунибса керка-интернатъяслы выль корпусъяс. Та йылысь юӧртіс регионса юралысь Сергей Гапликов республикаын социальнӧй юкӧн сӧвмӧдӧм кузя сӧвещанньӧ дырйи. 

Эзысь волонтёр – татшӧм тшапа ӧні шусьӧны олӧма йӧз, кодъяс быд ногыс отсасьӧны пӧрысь, эбӧстӧм да висьысь йӧзлы. Отсасьӧны сьӧлӧмсяньыс, дон босьттӧг, да таысь кодсюрӧ весиг дивитӧны найӧс. А ӧд важысянь Комиын сідзи и вӧвлі – сиктсаыд ӧта-мӧдтӧ бура тӧдісны, ускӧттьӧ-неминуча дырйи отсӧг вылӧ век волывлісны.

Коми муӧ уна во нин кыдзи сӧмын вермӧны ышӧдӧны волыны туристъясӧс. Талун тшӧкыда кывлам татшӧм терминъяс, кыдзи экотуризм, агротуризм, этнотуризм. Сӧмын тай кывйӧн печласьӧм помысь этша мый вежсьӧ.

РФ-са Госдумаысь депутатъяс коймӧдысь донъялӧм бӧрын ошкӧмаӧсь оланпас бала, код серти позяс кыйсьыны-вӧравны ньӧввужйӧн да арбалетӧн. Татшӧм ӧружиесӧ вермасны ньӧбны на-йӧ, кодъяслӧн эм вӧ-ралан билет, а сідзжӧ кыйсян ружье видзӧм да сыӧн вӧдитчӧм вылӧ колана документ. Содтӧд на, ньӧввужсӧ ковмас регистрируйтны Росгвардияын. Окота юавны, кыдзи ті донъяланныд депутатъяслысь тайӧ вӧзйӧмсӧ? И кодӧс эськӧ верманныд кыйны […]

Емдін му вылын эм мичасьыс-мича ин – От гӧра. Сэні сулалысь дас куим грезд лыдын эм и Семуков. Буретш Енлы кӧсйысьлӧм Крест праздник лунлы воча, сора 13 лунӧ, и пасйим ми Семуков сиктнымлы 300 во тырӧмсӧ.

Кольӧм четвергӧ Иван Алексеевич Куратовлӧн чужӧмсянь тырис 180 во. Луннас на опера да балет театр водзын сулалысь памятник дорас чукӧртчылісны поэзия радейтысьяс, лыддисны-кывзісны кывбуръяс.

Гырысь вузасян шӧринъясысь, уна сикас лавкаысь да ичӧтик киоскысь ӧтдор карса улич вылын вузасьӧны олӧма нывбабаяс. Тӧвнас найӧ вӧзйӧны ветлысь-мунысьлы картупель, кос тшак, сола да маринуйтӧм град выв пуктас. Тулыснас та дорӧ содӧ теплицаын быдтӧм лук турун, петрушка-укроп. Гожӧм-арнас вӧзйӧны быдсикас тшак-вотӧс, дзоридз да мукӧдтор.

Кольӧм вежонӧ воторниксянь быд лун полӧмӧн виччыси чужан Одыб сиктын олысь мамсянь выль юӧр, ас костаным весиг курыда шмонитім, мися, фронт вывсянь сводкаяс быттьӧ кывза.

Комиын дасьтасны челядя семьяяслы отсалӧм йылысь оланпас. Регионса правительстволы татшӧм индӧд сетіс июль 22 лунӧ республикаса юралысь Сергей Гапликов.