«Пым йӧз»
«Некытчӧ туйтӧмъяс?»
«Рӧмпӧштан»
– Кӧзяйка, висьтав, мыйла мӧскыд пыр шома йӧв лысьтӧ?
– Верӧс сур лагунсӧ мӧс ныр улӧ дзебӧ да.
Печораын – Печораса олысь, Сыктывкарын – сыктывкарка, Интаын – интинка, а Абезьын?..
Дед прӧйдитіс диспансеризация да кык вежон шензьӧдіс сиктсӧ выль медицина терминъясӧн.
– Тэ пӧ кань кужан кодзны?
– Дозтӧ вай, кодза!
Кад мысти:
– Ӧти кольксӧ кольӧмыд да?
– А тэ меным ӧти доз жӧ сетін.
Кор ӧткӧн олысь Микул дядь тӧдмаліс, мый Печораын быд понлы вичмӧ 104 сюрс шайт, гижис заявление, мый сетас налы ассьыс 18 сюрс шайта пенсиясӧ, мед лэдзасны овны понъяскӧд.
Сы бӧрся ас пенсияысь ӧткажитчис и Ӧньӧ дед.
Казялі ӧд, мый сулея дорын куйлысь сельдиыс ме вылӧ ӧти синнас лёка видзӧдіс. Но эг бергӧдчы. Сійӧн талун, кӧнкӧ, и лунтыр гудрӧдлӧ.
Висьми. Санавиация кори. Но тайкӧ вертолётсьыс шыбитасны, ас кокӧн пӧ
локтін да, кутшӧм тэнад вермас лоны висьӧм.
Нывбабаяслӧн, кыдз и мужичӧйяслӧн, нёль арлыд, кор позьӧ шуны: «Хи-хи-хи, ха- ха-ха, охо-хо, ок-ок-ок».
Рӧспута дырйи приуральскӧйсаясӧс карсаяс тӧдмалӧны газолин дук серти.
Май помын Печораса гыж вӧчысьяс чукӧртчасны семинар вылӧ, медым сёрнитчыны, кутшӧм формулаяс бурджык серпасавны ЕГЭ сдайтысьяслы гыжъяс.
Лесниклысь юалам:
– Позьӧ, ми пилитам пуяс, кодъяс тӧлӧн пӧрласьӧмаӧсь?
– Оз. Гашкӧ, тӧлыс мӧдарӧ пӧльыштас, да пуясыс бӧр сувтасны.
Туристическӧй сезон помасьӧм бӧрын вӧр керка дорын артмӧмаӧсь аслыспӧлӧс сталактитъяс. Сійӧ вӧлӧма «человеческӧй фактор».
Миян дети все говоритӧны по-коми, потому что ми накӧд разговаривайтам с рождения на родном языке.
Водзынсӧ гӧсьтъяслы пыригас вӧлі сетӧны тяпи, ӧні – вай-фай.
Заседание вылын депутат нырын гудйысигӧн перйис сэтысь выль закон.
Кык медик-практикант операция дырйи вурисны эз сійӧ розьсӧ.
Реклама.
Ньӧбӧй робот-пон. Кор войын кутанныд мунны асмогасянінӧ, да робот-пон ньӧжйӧник шуас: «Ув-ув, ме тэнӧ аддза…». Сэки вежонся запорлы воас пом.
Коркӧ Печораӧ ветлігӧн кык час корси асмогасянін. Эз сюр.
Пуксьыштлі куст улӧ. Мӧд лунас локтіс штрап да фотография.
Тӧд, мый ошкӧд паныдасьӧм бӧрын гачыд шоныд, но сӧмын вит минут.
Ӧтик-мӧтик…
Тадзи пудъясьӧмӧн Лёша корис батьыслысь выль мотик.
Чинаяслӧн прӧверка:
– Библиотеканыд сӧстӧм, шоныд.
– Гортысь пач вайи да, дерт, шоныд.
– Вевтыд оз вияв.
– Кыдзи оз? Виялӧ да!
– Оз, мися, вияв.
– Джоджӧй вӧйӧма…
– Мусьыс улӧ оз вӧй. Сідз и пасъям, дзоньтавны оз ков.
Серпасаліс Кристина Кривошеева