Владиславлӧн чужаніныс – Изьва вожса Ыргӧншар. Посёлокас кольӧма ичӧтдырыс. Мӧд чужаніныс – Ухта, кӧні мӧд номера детдом-интернатын быдмӧма 9-сянь дас кӧкъямыс арӧсӧдз.
Дзолядырйиыс Владиклы футболыс пӧсь ни кӧдзыд вӧлӧма. Абу ворсӧма ни абу видзӧдӧма. А дас арӧсӧн воспитательыс чуйдӧма гижӧдчыны секцияӧ.
И лоӧма чуймӧданатор: медводдза тренировка дырйиыс пӧльтӧм мачӧ первойысь чужйӧмсяньыс нин зонкалӧн пытшкас мыйкӧ вежсьӧма – чужӧма спорт сикас дорас муслун. Регыд мысти Владислав Филиппов ворсӧма нин Ухтаса томулов сборнӧйын, а армияас мунӧма спортса мастерӧ кандидатӧн.
Служба помасьӧм бӧрас том морт локтӧма видлыны Щельяюрын олысь рӧдвужсӧ. Сэки Алексей Енидов и вӧзйӧма видлыны тренералӧмын сямсӧ. А со талун Щельяюрса овмӧдчӧминкостса спорткомплексын уджалӧ кызь кык арӧса тренер.
Владиславлӧн борд-веськӧдлӧм улын нёль котыр: 1-2, 3-4 да 5-9 классаяс да детсадйӧ котралысьяс.
– Зонпосникӧд ноксьынысӧ неважӧн на босьтчи. Накӧд уджавны кӧнкӧ кокньыд, а мыйынкӧ и сьӧкыдкодь. Кокни, зэв окотапырысь тренировка вылас волӧны да, а сьӧкыд, ёна ковмӧ быдӧнӧс торйӧн велӧдны да, – пасйис Владислав Филиппов.
<> Игорь КОЛЕСОВ. Комиӧдіс Елена ПЛЕТЦЕР.
Снимокыс Владислав ФИЛИППОВЛӦН гортса архивысь.