Михаил Кайгородов чужӧма-быдмӧма Алтай крайса Барнаул карын. А зонпосни пиысь коді оз мӧвпав лэбавны?! Школа бӧрас пырӧма велӧдчыны Выборгса авиационнӧй училищеӧ.
Диплома специалистӧс ыстӧмаӧсь Войвылӧ, Печораса лётнӧй отрядӧ. И 1974 восянь нелямын во лэбалӧма Комиын парма-яг да тундра весьтті. Ми-6, Ми-8, Ми-10 вертолётьясӧн нуӧма-вайӧма йӧзӧс, быдсикас груз. Ковмылӧма и корсьны вошӧмаясос да нуны больничаӧ чорыда доймӧм-нерпалысьӧс.
Дерт, та дыранад юрсигусь кодь машинанас Михаил Иванович ёна ылӧджык на лабавлӧма. Войвылын пӧ, кыдз ачыс висьталӧ, Архангельсксянь Норильскӧдз унджык сикт-грездсӧ кытшовті. Вӧлӧма и Конгоса да Афганистанса енэжын.
Михаил Кайгородов боръявыв шмонитігмоз содтіс, сӧмын пӧ республикаса Койгорт сиктӧ эг слӧймы лэбзьывны…
Уджвывса ветеранӧс зіль уджысь пасйӧма ведомствоса да мукӧд медальон. «>
Николай РАЗМЫСЛОВ. Снимокыс авторлӧн.