Сыктывдін районса Придаш сиктын Анатолий Размысловлӧн пес сарайыс ылісянь синмад шыбитчӧ: тьӧс-плакасӧ краситӧма Россияса дӧрапас рӧмъясӧн. Да и пытшкас ставыс дзим-дзурк, пес чипассӧ быттьӧ вӧнь кузя тэчӧма.
Анатолий Вениаминовичлы 61 арӧс. Зільӧма «Палевицкӧй» совхозлӧн татчӧс отделениеын. Сы бӧрын стрӧитчан бригадаын. Придашын кыпӧдӧмаӧсь школа, коттеджъяс, орчча Емдін районса Кӧжмудорын – ветеранъяслы керка. Сэсся уджалӧма биысь видзчысян татчӧс юкӧнын, сиктса администрациялӧн котельнӧйын. Сэсянь и петӧма пенсия вылӧ.
–Кӧдзыд тӧвнад пескыд уна колӧ. Вит кубометра куим телега этша вылӧ мунас. А ӧти телегасьыс колӧ мынтыны 6-7 сюрс шайт. Мукӧдыслӧн гортас кык-куим пач да нӧшта пывсян, – висьталӧ Анатолий. – Миян ӧти пач, лӧсьӧді пӧрт, да керканымӧс пӧсь ваӧн шонтам. Тадзтӧ пескыд этшаджык мунӧ. <>
Николай РАЗМЫСЛОВ. Снимокыс авторлӧн.