Кутшӧм шылад воӧ тэныд сьӧлӧм вылад? Быдӧн ас ногыс, дерт, вочавидзас, ӧд шыладын – сьӧлӧмкылӧм-мӧвпъясыд. Со, шуам, юркарысь Никита Климычев радейтӧ рок.
– Важӧн нин татшӧм шыладас кыскӧ сьӧлӧмӧс, гашкӧ, ёртъясӧй «сьӧкыд» музыкасӧ радейтісны кывзыны да. Медводз сідз кывзім шыладсӧ, а сэсся сёрнитчим ӧтувтчыны рок-котырӧ. Ме бӧрйи бас-гитара, кодӧс 15 во нин киысь ог лэдзлы. Ачым и велӧдчи сыӧн ворсны, – висьталӧ Никита. – Тайӧ инструментнас уна во нин ворса да, мойвиис тӧдмасьны Сыктывкарса уна командакӧд, кодъяс ме моз жӧ кывзӧны-ворсӧны рок. Россия пасьта уна карӧ нин концертӧн ветлім. Ӧнія кадӧ ворса «GRIMORIUM VERUM» котырын. Нимкодь, мый тавося март тӧлысьын миян петіс студияын гижӧм витӧд альбом.
Том морт серти, «сьӧкыд» музыкаыс уна сикаса да стиля, и быдӧн вермас бӧрйыны кажитчанасӧ. Шуам, Никиталы ёнджыка сьӧлӧм вылас воӧны heavy metal, death metal, black metal нырвизьяс.
Сыктывкарын эм ворсанногнас да кужанлун-сямнас торъялана зэв уна рок-котыр, но налӧн этша позянлуныс кӧнкӧ петкӧдчыны. Андеграундлӧн медшӧр сценаыс – юркарса «Маяковский» клуб. Уналы пӧ тані кажитчӧ, да и шыыс бура юргӧ-кылӧ. <>
Екатерина Микушева.
Снимокыс Никита Климычевлӧн.