Нимкодь, мый Коми муным озыр зарни киа войтырӧн. Кӧть эськӧ асьнысӧ найӧ татшӧмнас оз и лыддьыны. Мастерлӧн киын пуысь кӧть сюмӧдысь, сунисысь кӧть дӧраысь артмӧ шензьӧданатор. Пыр чуймалан, кыдзи позьӧ татшӧмторсӧ ки помысь вӧчны?
Кӧрткерӧс районса Пӧддельнӧйысь том ань Таисия Семяшкина зэв бура кысьӧ. Сылӧн ӧткодя мичаа артмӧ ковта кӧть кардиган, шарп кӧть жилет. Став радыс шыльыд, некытчӧ он крукась. А бӧръя кадӧ Тая кыӧ чачаяс. И сэтшӧм мусаӧсь найӧ! Окота босьтны киад да нимкодясьны-любуйтчыны, а зонпоснилы, дерт жӧ, ворсны.
Аньлӧн чачаясыс – мультфильмъясса геройяс, кодъясӧс челядь торйӧн нин ёна радейтӧны. Сэк жӧ найӧс кыигӧн Тая кутӧ тӧд вылас комилысь оласног да вужвойтырлысь традицияяссӧ.
Надежда Пунегова.
Снимокыс Таисия Семяшкиналӧн гортса архивысь.