Пыдди пуктана лыддьысьысьяс! Став сьӧлӧмсянь чолӧмала тіянӧс локтан 2021 воӧн!

Чайта, быдӧн во помас зільӧ вӧчны аслыс кутшӧмкӧ кывкӧртӧд. Дерт, та дырйи вежӧрад воас и лёкыс, и бурыс, мый вӧлі во чӧжнас. А ме кӧсъя сины тіянлы, медым эськӧ сӧмын бурыс казьтывсис!

Выль во Мойдын кодь тайӧ гажсӧ быдӧн ёна виччысьӧ, ӧд сійӧ пыр мыйкӧ выльсӧ вайӧ, пыр ӧд бурсӧ виччысям ставӧн. Сідзкӧ, мед тадзи и лоас! Мед 2021 воыс ваяс тіянлы керка тыр шуд, крепыд дзоньвидзалун, уна-уна шуда здук да радлун. Выльвося кӧсйӧмъясныд мед пыр жӧ збыльмасны, матыссаясыд мед тшӧкыдджыка нимкодьӧдасны да век орччӧн лоасны, радейтасны да пыдди пуктасны тіянӧс.

Вай ставӧн ӧтув вочаалам локтан восӧ паськыд нюмӧн  да кокни ловкылӧмӧн! Выль воӧн!

Став бурсӧ сиӧмӧн, Галина МАКАРОВА,

«Коми йӧзӧдчан керкаӧн» веськӧдлысьӧс вежысь да «Коми му» газетса шӧр редактор.

Пыдди пуктана лыддьысьысьяс! Став сьӧлӧмсянь чолӧмала тіянӧс локтан 2021 воӧн!

«Коми му» газетысь, кодӧс позьӧ судзӧдны пошта пыр, позьӧ ньӧбны «Ордым» лавкаын. Медым лыддьыны электроннӧй версия, личкӧй татчӧ. Эмӧсь кӧ юалӧмъяс, гижӧй komi-kerka@ya.ru.

Пролистать наверх