Уна рӧма да аслыспӧлӧс

2019 воын «Коми йӧзӧдчан керкаӧн» лэдзӧм Егор Васильевич Потаповлысь «Дзольгӧ шор» небӧгсӧ Удмуртияын пасйисны торъя дипломӧн.

Октябрь 6 лунӧ Ижевскын чолӧмалісны «Книга года на родине П.И.Чайковского» регионкостса фестиваль-конкурсын вермысьясӧс. Сійӧс таво нуӧдісны медводдзаысь да роч кывъя петасъяскӧд ӧтвесьтын дипломъясӧн пасйисны тшӧтш и национальнӧй мари, бурят, якут, удмурт, коми кывйӧн йӧзӧдӧм небӧгъяс.

Ставнас жюри донъяліс Россияса кӧкъямыс регионын 129 йӧзӧдӧмтор. Вермысьяссӧ бӧрйисны 7 нимпасын, а сідзжӧ «Книга года» да «Лучшая книга Удмуртии» кык медшӧр номинацияын. Конкурс вылӧ медуна шыӧдчӧмыс воӧма Марий Элса небӧг лэдзанінсянь да «Удмуртия» издательствосянь.

«Коми йӧзӧдчан керка» донъялӧм могысь ыстіс кык петас: Александр Шебыревлысь «Фараон» да Егор Потаповлысь «Дзольгӧ шор».

«Меным вӧлі зэв нимкодь, мый Комиысь воисны бур небӧгъяс. Торйӧн нин шемӧсмӧдіс челядьлы уна рӧма аслыспӧлӧс петасыс. Сідзкӧ, коми кывлӧн аскиа луныс эм. Окотапырысь кутам виччысьны тіянлысь лэдзӧмторсӧ локтан конкурс дырйи», кывкӧрталіс «Удмуртия» издательствоӧн веськӧдлысь Юрий Кузнецов.

Уна рӧма да аслыспӧлӧс

«Коми му» газетысь, кодӧс позьӧ судзӧдны пошта пыр, позьӧ ньӧбны «Ордым» лавкаын. Медым лыддьыны электроннӧй версия, личкӧй татчӧ. Эмӧсь кӧ юалӧмъяс, гижӧй komi-kerka@ya.ru.

Пролистать наверх