Изьва районса Варыш грездын киссьӧма «Заречье» видз-му овмӧслӧн вӧвлӧм мӧс карта вевтыс. Сісь стрӧйба улын тӧкӧтьӧ абу кувсьӧмаӧсь сюрукъяс.
Кыдзи юӧртісны Сизяб сиктса администрацияын, Варышын олысьяслӧн пемӧсъясыс йирсьӧны грезд пасьталаыс дӧзьӧртӧг. Важ мӧс картаын сюрукъяс, тыдалӧ, дзебсясьӧмаӧсь жарсьыс. Но…
Бур, йӧзыс казялӧмаӧсь ускӧттьӧсӧ да мездӧмаӧсь пемӧсъяссӧ. Доймалӧм кузя некутшӧм шыӧдчӧм абу. Сідзкӧ, ен сыкӧд, сюрукъяс дзоньвидзаӧсь.
Сиктса администрацияын сідзжӧ пасйисны, мый «Заречье» СПК важӧн нин вуджӧдӧма скӧтсӧ выль картаӧ. Шогмытӧм стрӧйбасӧ ӧнӧдз абу пилитӧмаӧсь. Администрациялы ковмӧма медавны йӧзӧс, мед идраласны сісь «нальксӧ».
Сісь «налькйын»