Ӧтуввезса соцсетьын аслас лист бокын Владимир Уйба гижӧма неминуча дырйи медицина отсӧг сетан шӧринын уджалысьяскӧд аддзысьлӧм йылысь.
Сэки бурдӧдысьяслы, кодъяс оз уджавны коронавирусӧн висьысьяскӧд, оз на вӧлі мынтыны содтӧд сьӧмсӧ, кӧть эськӧ налӧн уджыс тшӧтш содіс некымын пӧв.
–Тадзи оз позь, – юксис видзӧдласнас Владимир Уйба. – Республика вермӧ вичмӧдны содтӧд отсӧгсӧ, и регионса правительство урчитіс сійӧс бурдӧдысьяслы, кодъяслы содтӧдсӧ федеральнӧй индӧдъяс серти оз сетны.
Витсянь дас сюрс шайтӧдз мынтасны республикаса врачьяслы, мукӧд медиклы, а сідзжӧ тэрыб отсӧг сетан бригадаясса шоперъяслы, кодъяс зілисны март 16-ӧдсянь июнь 30 лунӧдз.
–Мортыс кӧ кывкутӧмӧн уджаліс, сылы колӧ мынтыны нажӧткасӧ, – пасйис Владимир Уйба.
Уджаліс кӧ – колӧ мынтыны