Ӧтуввезйысь соцсетьса аслас лист бокын республикаса юралысьлысь удж вӧчысь Владимир Уйба юӧртіс, мый июль 6 лунсянь Комиын заводитчис челядьӧс да томуловӧс шойччӧдан да налысь дзоньвидзалун ёнмӧдан кадколаст.
Коми Республикаса бюджетын ныв-зонлысь гожся шойччӧмсӧ котыртны таво торйӧдӧма 427 миллион шайт – мӧймусяысь нёльӧд пай вылӧ унджык. Челядьӧс коронавируса вуджан висьӧмысь видзӧм могысь шойччан да дзоньвидзалун ёнмӧ-дан лагеръясӧ корасны позянасьыс джын мортсӧ да сӧмын дас нёль лун кежлӧ.
Владимир Уйбалӧн кывъяс серти, бать-мамлы, кодъяс асьныс ньӧбисны ныв-пиыслы путёвка, вештасны сылысь донсӧ. Сьӧмсӧ бергӧдасны кагалӧн, кодлы абу на тырӧма 18 арӧс, мамлы либӧ батьлы. Но сизимысь абу этшаджык лун кежлӧ босьтӧм путёвкасӧ мед вӧлі ньӧбӧма челядьлысь шойччӧм котыртысьяслӧн реестрӧ пыртӧм организацияысь.
–Сиа став челядьлы бура шойччыны! – пасйис Владимир Уйба.