Коми Госсӧветысь депутатъяс ошкӧмаӧсь оланпас бала, код серти медицинаын уджалысьяслы кутасны вичмӧдны дон босьттӧг керка стрӧитны участок.
Тайӧ оланпас баласӧ дасьтӧма регионса эмбурӧн вӧдитчан министерство Коми Республикаса юралысьлысь удж вӧчысь Владимир Уйбалӧн вӧзйӧм серти.
«О внесении изменений в некоторые законодательные акты Республики Коми по вопросам в области земельных отношений» республикаса закон проект серти, кокньӧдӧн вӧдитчысьяс лыдӧ, кодъяслы стрӧитчӧм могысь дон босьттӧг вичмӧ-дӧны му участок, лоӧ пыртӧма Коми Республикаса государственнӧй медучреждениеясын зільысьясӧс: врачьясӧс, медсестраясӧс, санитаръясӧс, тшӧтш и тэрыб отсӧг сетысьясӧс.
Стрӧитчӧм вылӧ участокъяссӧ сетасны налы, кодъяс сулалӧны оланін бурмӧдӧм могысь ӧчередын.