Та йылысь петаслӧн «ВКонтактеын» лист бокын висьталіс «Йӧлӧгалӧн» главнӧй редактор — Мария Игушева.
— Редакцияын зільысьяс важӧн нин дасьӧсь вӧчны тайӧ воськовсӧ. Нимкодь, мый видзӧдласнымӧс юкӧны и лыддьысьысьяс. Февраль 4-ӧд лунӧ миянлы воис СМИ-лӧн регистрация йылысь выль документ, кӧні пасйӧма, мый ӧнісянь «Йӧлӧга» — журнал! Тайӧ юӧрыс дыр виччысяна да шуда, сэк жӧ ми гӧгӧрвоам, мый босьтчам ыджыд да кывкутана уджӧ. Выль «Йӧлӧгалӧн» лыддьысьысь — том морт, творчествоа, ассьыс туй корсьысь. Ми окотитам лоны петасӧн, кӧні позьӧ петкӧдчыны аслыд, кӧні эм позянлун восьтыны енбитӧ, коді ышӧдӧ лыддьысьысьӧс велӧдчыны, сӧвмыны коми кыв да чужан му радейтӧмӧн. Лоны томуловлы збыльысь интереснӧй петасӧн абу кокни. Тӧдам, мый тайӧ артмас сӧмын тіянкӧд ӧтвылысь.
Нӧшта содтам, мый тӧлысьнас ӧтчыдысь журнал водзӧ кутас юӧртны тӧдчана лоӧмторъяс йылысь, висьтавны коми культура да оласног йылысь. Сэк жӧ вежсяс петаслӧн кабала, дизайн да лист бок лыд.