Скӧрӧдумсаяс шогсьыны оз кужны

Василий Чувьюров сьыланкывъяссӧ чукӧртӧ вӧрса пемӧсъяссянь: ошлы дӧзмӧдчис, сэсся руч дорӧ котӧртіс. Василий Лодыгин Японияӧ ветлӧма, а Василий Гущин вӧтасьӧ, быттьӧ корӧны сылысь «Василейсӧ», а сійӧ оз сет

Ӧти и сійӧ жӧ лунӧ, кольӧм пекничаӧ, йӧзкост творчество шӧринын «Василей» гаж йылысь        сёрнитісны-гаралісны кыкысь: гажыслы сиӧм пресс-конференция дырйи да КВН-ысь ворсысь «Скӧрӧдумсаяс» командалӧн петкӧдчигӧн. Квн-щикъяс ӧд и асьныс кутшӧмкӧ воӧ вӧліны жӧ фестивальсӧ нуӧдысьясӧн.

А Сыктывкарӧ «Скӧрӧдумсаяс» волісны пет-кӧдлыны, мый оз весьшӧрӧ новлыны «народнӧй» нимсӧ. Аскӧдныс вайӧдӧмаӧсь и ичӧтджык ёртъяссӧ – «Шок» командаса ныв-зонмӧс, кодъяс ас йывсьыныс шуӧны, шогсьыны пӧ ог кужӧй. Тӧлысь сайын кыкнан котырыс ворсісны коми КВН-ын, и найӧс бура тӧдӧны республикаын. А «Шокӧс» – тшӧтш и Анапаын. Лауреатъясӧн         сэтысь бӧрсӧ воӧмаӧсь. «Скӧрӧдумсаяс» командаса капитан Игорь Князев шмонитыштіс весиг, велӧдчынысӧ пӧ налы весиг некор…

Ёна и сералісны видзӧдысьяс «Скӧрӧдумсаяслӧн» (котырыслы кызь вит во нин тырӧ) да «Шок» командалӧн тешъяс вылын, «браво» горзісны да «бисӧн» корисны Анфиса Чисталёваӧс сьывны «Ӧтка олӧмыд – гажтӧм» сьыланкывсӧ.

Снимокъясыс ӧтуввезйысь.

Скӧрӧдумсаяс шогсьыны оз кужны

«Коми му» газетысь, кодӧс позьӧ судзӧдны пошта пыр, позьӧ ньӧбны «Ордым» лавкаын. Медым лыддьыны электроннӧй версия, личкӧй татчӧ. Эмӧсь кӧ юалӧмӧяс, гижӧй komi-kerka@ya.ru.

Пролистать наверх