Сыктывкарысь педагог, 35-ӧд номера школаын роч кыв да литература велӧдысь Татьяна Политова лоӧма миян странаын «Россияса войтыръяслӧн кыв да культура: видзны да сӧвмӧдны» нималана конкурсын вермысьӧн. Юркарса 15-ӧд номера школаысь сылӧн уджъёртыс Елена Штремпел воӧдчӧма конкурсыслӧн финалӧдз.
Кыкнанныслысь уджъяссӧ шуӧмаӧсь ыджыд тиражӧн йӧзӧдны мастер-классъяс нуӧдӧм могысь.
Ставроссияса тайӧ конкурсас пырӧдчысьяслы, а татшӧмыс вӧлӧма страна пасьталаысь сёысь унджык морт, колӧ вӧлӧм петкӧдчыны очнӧя да заочнӧя.
Ордйысьӧмыслӧн воддза юкӧнас жюри вылӧ донъялӧма да шуӧма медбуръяс лыдын Комилӧн юркарысь Татьяна Политовалысь «Лучшая практика использования цифровых ресурсов в обучении родному языку» да Елена Штремпеллысь «Лучшая методика и практика обучения родному языку» нимпасъясын уджъяссӧ.
Декабрь 16 лунӧ финалӧ веськалысьяс асьныс нин петкӧдчӧмаӧсь Москваын «Благосфера» шӧринын конкурсыслӧн мӧд юкӧнын.
Жюри та пӧрйӧ бӧрйӧма налӧн медбур лыдӧ нин веськалӧм уджъ-ясысь медбуръяссӧ. «Лучшая практика использования цифровых ресурсов в обучении родному языку» нимпасын бара медся вылӧ донъялӧмаӧсь Сыктывкарысь зумыд тӧдӧмлуна да ыджыд сяма педагог Татьяна Политовалысь уджсӧ.
Снимокыс ӧтуввезйысь.