Декабрь 12-15 лунъясӧ Санкт-Петербургса «Экспофорумын» котыртлісны «Выльвося козин» выставка-ярманга.
Россияса регионъясысь да суйӧрсайса странаясысь 800 сайӧ морт да предприятие вӧзйисны сэні ассьыныс вӧчӧмторсӧ.
Коми Республика петкӧдліс «Зарнипас» салонлысь сувениръяс, «Коми йӧзӧдчан керка» автономнӧй учреждениелысь «Лок татчӧ» бренда коми гижӧдъяса футболка-толстовкаяс, Зеленечса чипан видзан фабрикалысь да «Кӧр видзысь» овмӧслысь прӧдукция, «Плоды долголетия» компаниялысь Ыбса чай.
–«Выльвося козин» ярманга вылын позис ньӧбны уна сикас вузӧс, а сідзжӧ тӧдмасьны киподтуя войтырлӧн вӧчӧмторъясӧн, – пасйис Рытыв-Войвыв кытшын Коми представительствоӧн веськӧдлысь Валерий Козлов.
Коми сёян-юан вузаланінысь ярманга дырйи позис аддзыны тшӧтш сус колльысь йӧв, ош гос, тшынӧдӧм кӧр яй, мырпом да сьӧд сэтӧр за, уна мукӧдтор.