Локтан 2020 воӧ Комиын нӧбасьысь аньяслы да ичӧт каганысӧ морӧсӧн вердысь нывбаба-мамъ-яслы пособие вичмӧдӧм вылӧ регионса бюджетысь шуӧма видзны 67 миллион сайӧ шайт, тавося татшӧм рӧскодсьыс 17 пӧв унджык.
Та йылысь ассьыныс кывкӧртӧд вӧчӧмаӧсь Коми Республикаса Госсӧветысь депутатъяс ноябрь 28 лунӧ регионса юралысь Сергей Гапликовлӧн вӧзйӧмкӧд йитӧдын.
Сёян-юан вылӧ сьӧмсӧ шуисны содтыны, ӧтарӧ ставыс донсялӧ да. Комиысь минтрудалӧн юӧртӧм серти, ӧні быд тӧлысся татшӧм посо-биеыс артавсьӧ 491 шайт.
Тайӧ сьӧма отсӧгсӧ сетӧны судзсьытӧма олысь нӧбасьысь аньяслы да ичӧт каганысӧ вердысь мамъяслы, а сідзжӧ налы, кодъяслы бур-дӧдысь тшӧктӧ. Татшӧмыс 340 гӧгӧр нывбаба.
Локтан восянь медицина учреждениесянь справкаыс оз ковмы, а сідзкӧ, пособиесӧ босьтны лоӧ кок-ньыдджык, да сійӧ вичмас унджыклы.
Специалистъяслӧн водзвыв артыштӧм серти, 2020 восянь сёян-юан ньӧбӧм вылӧ государствосянь отсӧг вермасны босьтны ӧкмыс сюрсысь унджык нӧбасьысь ань да кагасӧ морӧсӧн вердысь мам.
Быд нӧбасьысь аньлы (12-ӧд вежонсянь) тӧлысьнас кутасны сетны сюрс шайт. Содтӧд на, кага вайӧм бӧрас мӧдасны вештыны тӧлысьнас 650 шайт.