Декабрь 16 лунӧ Коми Республикаса юралысь Сергей Гапликов аддзысьліс уджмогъяс кузя «ЛУКОЙЛ-Коми» ООО-са генеральнӧй директор, регионын «ЛУКОЙЛ» компанияса президент Александр Голованевкӧд.
Сёрниыс налӧн вӧлі производство да социальнӧй инфра-структура сӧвмӧдӧм йылысь.
Коми Республикаса правительство да «ЛУКОЙЛ» ПАО костын ёртасьӧм йылысь сёрнитчӧм серти мусир перъян компания быд во вичмӧдӧ регионлы гырысь да йӧзлы тӧдчана социальнӧй уджтасъяс збыльмӧдӧм вылӧ сьӧм.
Сідз, таво компанияыслӧн отсӧг весьтӧ шуӧма вӧлі кыпӧдны «Югдӧм» спортком-плекслысь мӧдӧд корпус да босьтчыны дзоньтавны Усинскса аэропортысь самолётъяслы пуксян-кыпӧдчанін, стрӧитны Чилимдін районса Мӧскашор сиктын концерт петкӧдлан зала да библиотекаа социокультурнӧй шӧрин, Усинск районса Мутнӧй Материкын да Щельябӧжын бурдӧдчан амбулаторияяс, Ухта бердса Ярега посёлокын уялан-варччан бассейна физкультурно-оздоровитель-нӧй комплекс.
Кызвын проект кузяыс став уджсӧ вӧчӧма нин, мыйсюрӧ лоӧ помалӧма матысса кадӧ.
Сергей Гапликов да Александр Голованев видлалісны сідзжӧ водзӧ топыда ёртасьӧм, республикаын олысьяслы тӧдчана выль уджтасъяс дасьтӧм да олӧмӧ пӧртӧм йылысь юалӧмъяс.