«Гижӧдчӧмысь – козин»

Помнитанныд, тавося октябрь 3-ӧд лунӧ «Коми йӧзӧдчан керка» юӧртліс «Гижӧдчӧмысь – козин» конкурс-акция? Татчӧ пырӧдчӧм могысь коліс тавося октябрь 31-ӧд лунӧдз гижӧдчыны «Коми йӧзӧдчан керкаын» петысь газет-журнал вылӧ локтан 2020 во джын кежлӧ.

И со конкурслы кывкӧртӧд вӧчан кад кежлӧ, кодӧ вӧлі урчитӧма нуӧдны ноябрь 15-ӧд лунӧ, воис 71 шыӧдчӧм-квитанция. «ВКонтакте»-лӧн миян котырын «веськыд эфирын» пудъялім конкурсӧ пырӧдчысьяс пӧвстын 17 козин: #Лок_татчӧ коллекцияысь 5 футболка, 5 кружка да 5 ежедневник. Таысь ӧтдор торйӧн пудъялім коми петасъяслӧн комплект вылӧ гижӧдчысьяс пӧвстын кык супер-приз: #Лок_татчӧ коллекцияысь толстовка да ыджыд фоторамка.

И сідз, «Гижӧдчӧмысь – козин» конкурс-акцияын вермысьясӧн да козин босьтысьясӧн лоины:

  #Лок_татчӧ коллекцияысь футболка #Лок_татчӧ коллекцияысь кружка #Лок_татчӧ коллекцияысь

ежедневник

1. Г. Литвинцова Т. Уляшева А. Кузьбожев
2. Т. Мишарина Э.Братенкова  Г. Козлова
3. Е. Потапова А. Малева Л. Зварич
4. Г. Вахнина Л.Зварич Л. Храмович
5. З. Шулепова Т. Попова В. Левичев

Коми петасъяслӧн комплект вылӧ гижӧдчысьяс пӧвстын вермысьясӧн лоины: Станислав Коюшев, кодлы вичмис #Лок_татчӧ коллекцияысь толстовка, да Анастасия Васильева, кодлы вичмис ыджыд фоторамка.

Ыджыд аттьӧ висьталам миян спонсоръяслы: «Бирамиа» вузасянінлы да «Фанерко» компаниялы.

Став вермысьыслы козинъясла колӧ шыӧдчыны «Коми йӧзӧдчан керкалӧн» 8(212) 24-50-32 телефон пыр либӧ гижны «ВКонтактеын» тайӧ лист бокас: vk.com/mortkomi

Ыджыд аттьӧ быдӧнлы конкурсӧ пырӧдчӧмысь! Став сьӧлӧмсянь чолӧмалам вермысьясӧс!

Гижӧдчӧй да лыддьӧй коми газет-журнал – конкурсыд уна на лоӧ!

«Гижӧдчӧмысь – козин»

«Коми му» газетысь, кодӧс позьӧ судзӧдны пошта пыр, позьӧ ньӧбны «Ордым» лавкаын. Медым лыддьыны электроннӧй версия, личкӧй татчӧ. Эмӧсь кӧ юалӧмӧяс, гижӧй komi-kerka@ya.ru.

Пролистать наверх