Нёрпалысь зонпоснилы бурдӧдчыны

«Единая Россия» ютырлӧн Коми  регионса юкӧнын зільысьяслӧн водзмӧстчӧмӧн республикаын олысьяс окотапырысь пырӧдчӧны «Крышки добра» ставроссияса экологическӧй благотворительнӧй уджтасӧ.

Тайӧ проектсӧ вынсьӧдӧма сы могысь, медым чукӧртны да инавны йӧв сулеяясысь, бытӧвӧй  химия сорас да быдсикас юантор улысь дозмукысь полимерысь вӧчӧм пробкаяссӧ да та весьтӧ нажӧвитӧм сьӧмсӧ вуджӧдны «Сила добра» благотворительнӧй фондӧ лёк пыкӧсӧн висьысь челядьлы медицина отсӧг сетӧм вылӧ.

Кыдзи юӧртісны «Единая Россия» ютырлӧн Коми регионса юкӧнсянь, чукӧрмӧма нин кык сюрсысь унджык пробка. Торйӧн нин водзмӧстчӧны та боксянь  Кӧрткерӧсын, Чилимдінын, Койгортын, Вуктылын да Ухтаын олысьяс.

Пробкаяссӧ чукӧртӧм вылӧ социальнӧй учреждениеясын, школаясын, лавкаясын, поликлиникаясын лӧсьӧдӧма торъя кудъяс.

—Ми сиам нёрпалысь челядьлы ӧдйӧджык бурдны да  налы отсалӧм могысь тадзи тшӧтш зілям ӧтувтны бур сьӧлӧма йӧзӧс. Сэк жӧ  кӧсъям, мед  вӧр-валы этшаджык вӧлі вӧчӧма быдсикас шыбласнас, сы лыдын и  полимер пробкаяснас, лёксӧ, — висьталіс «Единая Россия» ютырлӧн Койгорт районса юкӧнысь исполнительнӧй секретар Оксана Черкашина.

 Снимокыс ӧтуввезйысь.

Нёрпалысь зонпоснилы бурдӧдчыны

«Коми му» газетысь, кодӧс позьӧ судзӧдны пошта пыр, позьӧ ньӧбны «Ордым» лавкаын. Медым лыддьыны электроннӧй версия, личкӧй татчӧ. Эмӧсь кӧ юалӧмӧяс, гижӧй komi-kerka@ya.ru.

Пролистать наверх