Коми Республика да Финляндия водзӧ ёнмӧдӧны экономикаын бур йитӧдъяс.
Кыдзи юӧртӧ миян регионса юралысьлӧн пресс-служба, ноябрь 8 лунӧ Москваын Сергей Гапликов аддзысьліс Россияын Финляндияса полномочнӧй посол Микко Хауталакӧд.
Казьтыштам, таво сентябрын Сергей Гапликов ветліс аслас уджмогъясӧн Финляндияӧ, кӧні аддзысьліс сэтчӧс гырысь промышленнӧй компанияясӧн веськӧдлысьяскӧд да вӧзйис ӧтув збыльмӧдны Комиын инвестицияа гырысь проектъяс.
Москваын Микко Хауталакӧд сылӧн аддзысьлігӧн сёрниыс муніс вӧр переработайтӧмкӧд, шыблас иналӧмкӧд, вӧр-ва видзӧмкӧд да вӧр овмӧсын уджалысьясӧс дасьтӧмкӧд йитӧдын инвестицияясӧн да ӧнія выль технологияясӧн ӧтув вӧдитчӧм йылысь.
Аддзысьлӧмыслы кывкӧртӧд вӧчигӧн шуӧма, мый, вермас лоны, матысса кадӧ нин Микко Хауталалӧн веськӧдлӧм улын Коми Республикаӧ волас финн бизнесменъяслӧн комиссия.
Таысь кындзи вӧлі видлалӧма 2021 воын Комиын Россиялысь да Финляндиялысь ӧтувъя культурнӧй форум нуӧдӧм могысь позянлунъяс.
Снимокыс ӧтуввезйысь.