Челядь радейтӧны, и ачыс натӧг оз вермы

Мортыд нэм чӧжыс велӧдчӧ. Медводз бать-мам да пӧль-пӧч дзудзӧдчӧны – ум-разум пыртӧны, сэсся ясли-садйын кагульничаяс туйдӧны-тӧдмӧдӧны олӧмнас, школаын велӧдысьяс югзьӧдӧны юр, водзӧ тӧдӧмлун босьтігӧн преподавательяс джудждӧдӧны-паськӧдӧны тэнсьыд вежӧртӧ. Асшӧр олӧмӧ петӧм бӧрын сюрас наставник, кодлӧн сямыс унджык и пыдӧджык гӧрыштӧ. Ӧти кывйӧн: нэмсӧ ов да пыр велӧдчы.

Татьяна Владимировна Шустикова 1996 воын помаліс Сыктывкарса госуниверситетысь финн-йӧгра факультет да со 28 во нин сетӧ коми да роч кывйысь тӧдӧмлун чужан Пожӧг сиктса школаын. Шань да водзмӧстчысь, бура тӧдӧ велӧданторсӧ, некор он кывлы гӧлӧс кыпӧдӧм. Челядь радейтӧны сійӧс, да и ачыс натӧг оз вермы.

Школа помалысьяс петкӧдлӧны бур тӧдӧмлунъяс ОГЭ да ЕГЭ дырйи. Сиктса олӧмын оз кольлы ни ӧти нуӧдантор, кӧні эськӧ эз бергав тайӧ топ-модель кодь нывбабаыс. Культура керкаын петкӧдчанторъясын – ыджыд сяма нуӧдысь, кӧть талун пуксьӧд нуӧдны радиопередача да телепрограмма. Верӧса, челядя, ас керкаа.

Владимир ШОМЫСОВ.

Челядь радейтӧны, и ачыс натӧг оз вермы

«Коми му» газетысь, кодӧс позьӧ судзӧдны пошта пыр, позьӧ ньӧбны «Ордым» лавкаын. Медым лыддьыны электроннӧй версия, личкӧй татчӧ. Эмӧсь кӧ юалӧмӧяс, гижӧй komi-kerka@ya.ru.

Пролистать наверх