85 во сайын заводитчис Айму вӧсна Ыджыд тыш.
Тайӧ луныс – миян ӧтувъя дой, ӧтувъя подвиг да Победа.
2004 восянь июнь 22 лунӧ страна пасьталаын олысьяс петӧны ывлаӧ кианыс ӧзтӧм сисьяс кутӧмӧн, медым казьтыштны найӧс, кодъяс эз локны гортаныс Айму вӧсна вир кисьтана тыш-кось мунанінысь, да тӧдчӧдны, мый ми некор ог вунӧдӧй найӧс.
2020 восянь «Свеча памяти» акция нуӧдсьӧ тшӧтш и онлайн, медым ӧтувтны ставнымӧс, кӧть и ӧта-мӧд дорысь зэв ылынӧсь.
Коми Республикаын олысьяс вермасны жӧ пырӧдчыны тайӧ акцияас. Кыдзи?
–Пырны деньпамяти.рф. сайтӧ.
–Личкыны «Зажечь свечу памяти».
Тіян сиськыд лоӧ интерактивнӧй «Карта памятиын», и аддзанныд, миян регионын кымын морт шуис нин: «Ме помнита».
Таысь кындзи ӧтуввезйын позьӧ пыравны торъя юкӧнӧ – «22 июня в историях».
Тайӧ ловъя казьтылӧмъяс, кӧні фронтӧвикъяс, вӧрӧгӧн кытшалӧм Ленинградын олысьяс, тылса труженикъяс, концлагерӧ веськавлӧмаяс висьталӧны войнадырся сьӧкыд кад йывсьыс. И тадзи быттьӧ важас бергӧдчылан.
Таысь кындзи сайтас позьӧ сетны вермана отсӧг ветеранъяслы. Весиг неыджыд отсӧгыс зэв колана налы, кодъяс козьналісны миянлы мирнӧй олӧм.
<> Гижӧдъяссӧ дасьтіс Екатерина Микушева. Снимокъясыс ӧтуввезйысь.