Биысь видзчысьӧм да вӧр-ва видзӧм могысь «Койгортса» нацпарк котыртӧ «Останови огонь!» конкурс.
Пырӧдчыны вермасны школа-колледжын, вузъясын, содтӧд тӧдӧмлун сетан учреждениеясын велӧдчысьяс, а сідзжӧ 10 арӧсысь гырысьджык войтыр. Уджъяссӧ – буклет, интерактивнӧй либӧ пызанвывса ворсӧм, видеоролик, биысь видзчысян пас – позьӧ вӧчны кыдзи ӧткӧн, сідзи и котырӧн.
Вермысьяссӧ лоӧ бӧрйӧма арлыд серти: 10-13 арӧса челядь, 14-17 арӧса ныв-зон да верстьӧ пӧвстысь. Нацпарк нимсянь налы сетасны диплом да казьтылана козин.
Медым пырӧдчыны конкурсӧ, колӧ гижны шыӧдчӧм да ыстыны уджсӧ ӧтуввез пыр 2026 вося май 2 лунӧдз.
Кывкӧртӧдсӧ лоӧ йӧзӧдӧма нацпарклӧн ӧтуввезса koygorodskiy.ru да vk.com/kojgorodok лист бокъясын.
Юасьӧмъясӧн позьӧ шыӧдчыны «Койгортса» нацпаркысь специалист Людмила Александровна Макарова дорӧ 8 (912)180-41-52 номера телефон пыр.
<> Гижӧдсӧ дасьтіс Павел Симпелев. Снимокыс ӧтуввезйысь.