Абу нин сэтшӧм вермытӧмӧсь

Тавосянь Комиын вермытӧм йӧзлӧн лоис позянлун сдайтны ГТО нормативъяс.

Сыктыв районысь Кунибса психоневрологическӧй интернатын олысьяс дорӧ волісны ГТО кузя тестъяс нуӧдан шӧринысь специалистъяс.

Вермытӧмъяс петкӧдлісны ассьыныс вынсӧ, тэрыблунсӧ да винёвлунсӧ. Мед кӧть и некод эз вермы шедӧдны ГТО знаксӧ, судьяяс ошкисны найӧс кыпыд ловруысь, смеллунысь да зільӧмысь. Вермытӧмъяс сетӧмаӧсь кыв нӧшта на тренируйтчӧм бӧрын видлыны выльысь венны нормативъяссӧ да шедӧдны ГТО знак.

А Удора районын инвалидъяслӧн регионса да регионъяскостса вермасьӧмъясын призёр Анна Ильина (снимок вылын) тестъяссьыс босьтӧма «зарни». Ань котӧртӧма 600 метр, колана мындаысь пуксьӧма-сувтӧма, кокъяссӧ кусыньттӧг джоджын пукаліг копрасьӧма, кыкнан кокнас йӧткыштчӧмӧн места вывсяньыс водзӧ чеччыштӧма да теннисӧн ворсан мачӧн шыбласьӧма пасӧ.

Абу нин сэтшӧм вермытӧмӧсь

«Коми му» газетысь, кодӧс позьӧ судзӧдны пошта пыр, позьӧ ньӧбны «Ордым» лавкаын. Медым лыддьыны электроннӧй версия, личкӧй татчӧ. Эмӧсь кӧ юалӧмӧяс, гижӧй komi-kerka@ya.ru.

Пролистать наверх