Комиын 2026 восӧ лоӧ сиӧма сиктлы. Регионса юралысь Ростислав Гольдштейн кырымаліс та йылысь ассьыс индӧд да тшӧктіс республикаса правительстволы декабрь 15 лунӧдз котыртны такӧд йитӧдын оргкомитет, дасьтыны-вынсьӧдны план, артыштны, уна-ӧ сьӧм ковмас да кытысь босьтны колана мындасӧ.
–Сиктлы сиӧм во нуӧдны вӧзйисны йӧзыс. И ыджыд аттьӧ висьтала землякъяслы таво июньын Койгорт районын олысьяскӧд аддзысьлігӧн та могысь водзмӧстчӧмысь, – пасйис Ростислав Гольдштейн.
Та йылысь сёрниыс эз нин ӧтчыд пансьыв. Та вӧсна, кыдз тӧдчӧдіс Ростислав Гольдштейн, колӧ вӧчны ставсӧ, медым 2026 воыс колис паметьӧ эз сӧмын яръюгыд лоӧмторъясӧн, но и сиктса войтырлӧн олӧмын збыльысь бурланьӧ вежсьӧмъясӧн.
–Ӧтув ми збыльмӧдам та могысь уна колана да ыджыд водзӧса уджтас, – эскӧдіс регионса юралысь.
Гижӧдсӧ дасьтіс Александра АРТЕЕВА.