Коми Республикаын пыдди пуктана олысьяс!
Сьӧлӧмсянь чолӧмала тіянӧс Ыджыд Вермӧмсянь 80 во тырӧмӧн!
Победа лун – вежа праздник, сійӧ петкӧдлӧ миян войтырлысь пытшкӧсса зумыд вынсӧ да ыджыд мывкыдсӧ.
Кӧкъямысдас во торйӧдӧ миянӧс 1945 вося майысь, но вир кисьтана чорыд тышын вермысьяслӧн подвигыс и ӧні ӧтувтӧ миянӧс, ышӧдӧ водзӧ гӧрдитчыны Аймуӧн.
Ми пыдди пуктам Рӧдина дорйысьяслысь – фронт вылын асьсӧ жалиттӧг тышкасьысьяслысь, тылын уджалысьяслысь, блокадаын да концлагеръясын сьӧкыдлун пыкысьяслысь – повтӧмлунсӧ да венны позьтӧм ёнлунсӧ. И налӧн подвигыс, вӧрӧглы паныд водзсасьӧм-тышкасьӧмыс век кежлӧ коляс Россиялӧн историяын.
Миян мог – видзны война йылысь, Му шар вылын олысьясьясӧс нацизмысь мездысьяс йылысь паметь. Тайӧ сетӧ миянлы вын да аскиа лунӧ эскӧм.
Муӧдз копыр тіянлы, дона ветеранъяс! Ті и ӧні зілянныд быдтыны томуловӧс Чужан му радейтысь войтырӧн, висьталанныд да петкӧдланныд, мый отсаліс тіянлы венны война кадся сьӧкыдлунъяссӧ.
Некор ог вунӧдӧй тыш-косьын усьӧмаясӧс да война бӧрын нин миян дорысь мунӧмаясӧс. Ми пыр кутам нимӧдны-нэммӧдны налысь подвигсӧ.
Ыджыд Вермӧм праздникӧн! Сиа быдӧнлы дзоньвидзалун, тыр-бур олӧм, юр весьтын сӧстӧм енэж да став бурсӧ!
Ростислав Гольдштейн,
Коми Республикаса юралысьлысь удж вӧчысь.
Дона ветеранъяс!
«Коми му» газетысь, кодӧс позьӧ судзӧдны пошта пыр, позьӧ ньӧбны «Ордым» лавкаын. Медым лыддьыны электроннӧй версия, личкӧй татчӧ. Эмӧсь кӧ юалӧмъяс, гижӧй komi-kerka@ya.ru.