Март 25 лунӧ Коми Республикаса войтырлӧн Ёртасян керкаын вӧлі «Школа переводчика «Борда пыж» проект збыльмӧдӧмкӧд йитӧдын медводдза чукӧртчылӧм.
Томулов тӧдмасисны тайӧ уджтас кузяыс найӧс велӧдысьяскӧд да наставникъяскӧд.
Казьтыштам, май помӧдз республикаса юралысь бердын искусство да Коми национальнӧй гимназияясын велӧдчысьяс, а сідзжӧ юркарса гуманитарно-педагогическӧй колледжысь да Сыктывкарса госуниверситетысь студентъяс быд вежон республикаса вузъясын да регионса войтырлӧн Ёртасян керкаын аддзысьлӧмъяс дырйи кутасны босьтны вуджӧдчан удж кузя тӧдӧмлун, а сідзжӧ асьныс мӧдасны комиӧдны научно-популярнӧй, официально-делӧвӧй да художествоа гижӧдъяс.
Такӧд йитӧдын кывкӧртӧдсӧ лоӧ вӧчӧма да томуловлы сертификат сеталӧма май 15 лунӧ Кӧрткерӧс районысь Ыджыдвидз сиктса библиотекаын Коми кыв да гижӧд лункӧд йитӧдын чукӧртчылӧм дырйи.
Казьтыштам, «Школа переводчика «Борда пыж» проектсӧ збыльмӧдӧны Сыктывкарса госуниверситет, Коми Республикаса войтырлӧн Ёртасян керка Коми йӧзӧдчан керкакӧд, регионса гижысь котыркӧд да Кӧрткерӧс районса библиотекакӧд ӧтув. <>
Анна Попова. Снимокыс ӧтуввезйысь.