Локтан вося январын – парта сайӧ

Коми Республикаса правительствоӧн веськӧдлысьӧс первой вежысь Михаил Порядин донъяліс, кыдзи кыпалӧ Сыктывкарса «Орбита» микрорайонын 1.200 велӧдчысь вылӧ артыштӧм выль школа.

Стройплощадка вылӧ сыкӧд тшӧтш волісны регионын стрӧитчӧм да туй овмӧс кузя министрӧс вежысь Антон Анисимов, Комиын ӧтувъя заказчиклӧн службаӧн юрнуӧдысь Андрей Некрасов да «Универсалстрой» ООО-ысь директор Игорь Носов.

Казьтыштам, тайӧ «тошка» нин школасӧ эштӧдӧм могысь 289 миллион шайт вылӧ госконтракт вӧлі кырымалӧма таво март помын Киров обласьтысь «Универсалстрой» ООО-кӧд.

Ӧні стрӧитчанінас уджалӧ тайӧ котырсьыс 95 морт. Босьтчӧмаӧсь пытшкӧсса уджӧ – тэчӧны плитка, нюжӧдӧны би провод, ва да канализация трубаяс да с.в.

Ставсӧ гӧгӧрбок видзӧдлӧм-донъялӧм бӧрын Михаил Порядин тӧдчӧдіс, мый «Орбита» микрорайонын школасӧ колӧ помавны сентябрь 15 лунӧдз, медым урчитӧм кадӧ лӧсьӧдны сэні став колана оборудованиесӧ. И та бӧрын босьтчыны сідз шусяна пусконаладочнӧй уджӧ, медым локтан вося январын челядь пуксисны тайӧ школаас парта сайӧ.

Снимокыс «Комиинформлӧн» архивысь

«Коми му» газетысь, кодӧс позьӧ судзӧдны пошта пыр, позьӧ ньӧбны «Ордым» лавкаын. Медым лыддьыны электроннӧй версия, личкӧй татчӧ. Эмӧсь кӧ юалӧмӧяс, гижӧй komi-kerka@ya.ru.

Локтан вося январын – парта сайӧ

«Коми му» газетысь, кодӧс позьӧ судзӧдны пошта пыр, позьӧ ньӧбны «Ордым» лавкаын. Медым лыддьыны электроннӧй версия, личкӧй татчӧ. Эмӧсь кӧ юалӧмӧяс, гижӧй komi-kerka@ya.ru.

Пролистать наверх