Ролан Литке – мӧдӧд класса велӧдчысь. Котралӧ Сыктывкарса 38-ӧд номера школаӧ. Роланлӧн медся радейтана урокыс – коми кыв. Радпырысь велӧдӧ сiйӧс школаын. А гортас нӧшта на и бать-мамсӧ да пӧчсӧ велӧдӧ коми кывйӧ. Весиг нуӧдӧ налы коми кыв урокъяс. Ачыс дасьтӧ занятиеяс да лӧсьӧдӧ презентацияяс. Зэв ёна кӧсйӧ лоны Вера Михайловна пӧчыс моз велӧдысьӧн.
Урокъяс бӧрын гортас Ролан уна серпасасьӧ. Но медся ёна сiйӧ радейтӧ лепитны пластилинӧн. Мыйсӧ сӧмын зонка оз вӧч сыысь. Весиг англия анбур велӧдӧ пластилин отсӧгӧн.
Гожӧмнас Ролан радейтӧ ветлыны вӧрӧ вотны тшак. Сьӧрсьыс босьтӧ ассьыс Оливия понсӧ. А гортас найӧс век виччысьӧ Кешуня попугай.
«Би кинь» журнал лыддьысьяслы зонка дасьтӧма юржуглан. Ошкам Роланӧс да сиам сӧмын бурсӧ. Молодеч, аддзам, кутшӧм тӧлка зонка быдмӧ Сыктывкарын. Республикаса мукӧд кар-районын олысь челядьлы пример. Коми кодзув!
Тӧдмав!
1 удж.
Серпасав таблицаысь медводдзаӧн син улӧ усьӧм пемӧс.
2 удж.
Корсь да гиж таблицаын дзебсьӧм пемӧспиян.
3 удж.
Инды таблицаӧ и мукӧд пемӧссӧ.
Вочакывъяс: Гырысь пемӧсъяс: мӧс, руч, чипан, ур, кань, меж, тулан, вӧв, ош, пон, петук, порсь, кӧч, кӧин, кӧза, ыж. Пемӧспиян: урпи, кук, понпи, баля, чань, ручпи.
Дасьтісны Алёна Нестерова, Марина Жданова.