Неважӧн Би кинь ветліс Гурьёвчиса ныв-зон дорӧ гӧсти да бӧрсӧ Сыктывкарӧ вайис ноп тыр козин: юржугланъяс, кывбур-висьт да уна серпас. Вочасӧн мыччӧдам найӧс журнал лист бокын. Ті, дона челядь, тшӧтш зэв зільӧсь да енбиаӧсь. Би киньным тайӧс тӧдӧ да виччысьӧ мича уджъяснытӧ.
Слудка
Ме ола Слудка сиктын. Миян сиктным зэв мича. Эм уна шензьӧданатор. Гоз-мӧд йылысь висьтася. Тайӧ Микӧла Чудотворечлӧн вичко. Сійӧс индӧмаӧсь важ вичко местаӧ. 1805 вося важ вичкоыс вӧлі кирпичысь, ыджыд. 1937 воын сійӧс жугӧдісны.
Миян сиктын эм Фёдор Иванович Осиповлӧн купеч керка. Важӧн сэні вузасисны. Эм уна памятник: воинъяслы, велӧдысьяслы, школалы, коллективизацияын водзмӧстчысь Пётр Васильевич Черныхлы.
Сиктса библиотекаын эм музей, кӧні чукӧртӧма сиктса йӧз олӧмысь уна
эмбур-кӧлуй.
Миян Слудка гӧгӧр зэв мича вӧр-ва.
Ме радейта ассьым сиктӧс.
Гижис да серпасаліс Матрона Осипова.
Якуньёль
Менӧ шуӧны Оля Осипова.
Ме ола Якуньёльын. Сійӧ вӧлі нималана вӧрпунктӧн. Посёлокын вӧлі пекарня, кӧні уджаліс менам тьӧт, а нӧшта КБО, ясли да детсад, сёянін, спортзал.
Важӧн миян посёлокын вӧлі уна олысь. А ӧні сэні 234 морт.
Менам бать уджаліс вӧрпунктын 34 во, пӧрӧдіс вӧр. Уджаліс и депутатӧн. Ветлӧдліс Москваӧ сессия вылӧ. Вӧчис туй Гурьевкасянь Слудка-Прокопьевка-Якуньёльӧдз. Сэсся петіс пенсия вылӧ, ӧні шойччӧ.
Менам мам уджаліс уна удж вылын. А ӧні зiльӧ больничаын пелькӧдчысь-идралысьӧн.
Гижис да серпасаліс Оля Осипова.
Дасьтісны Алёна Нестерова, Кристина Кривошеева.