Пырӧдчӧй «Котыр – Аймулöн вына подув» школаын велӧдчысьяслӧн сочинениеяс конкурсӧ
Конкурссӧ сиӧма Аскотырлӧн волы, кодлӧн могыс — сӧвмӧдны челядьлысь да том йӧзлысь художествоа да творческӧй енбиалунсӧ, а сідзжӧ быдтыны найӧс аскотыр, чужан му, национальнӧй культура да литература пыдди пуктӧмӧн.
Мероприятиесӧ паніс «Коми войтыр» дінмукостса ӧтйӧза ӧтмунӧмлӧн старейшинаяслӧн сӧвет Коми Республикаса велӧдан да наука министерствокӧд да Велӧдчӧм сӧвмӧдан коми республиканскӧй институткӧд ӧтув.
Конкурсӧ вермӧны пырӧдчыны 5-11 классъясын велӧдчысьяс, кодъяс тӧдӧны коми кыв. Уджъяссӧ жюри кутас донъявны вит номинация серти:
1. Медбур удж прозаын.
2. Медбур удж поэзияын.
3. Медсöдз, медмича кыв.
4. Медся аслыспöлöс удж.
5. «Тайö кыв мем дона» – коми кыв йылысь, республика да сійӧс сӧвмӧдӧм йылысь мӧвпалӧм.
Конкурс вылӧ уджъяссӧ виччысьӧны ода-кора тӧлысь 4 лунӧдз татшӧм электроннӧй пошта вылӧ komi.sochinenie@mail.ru.
Медбуръяссӧ йӧзӧдасны «Йöлöга» да «Коми му» республиканскӧй газетъясын, «Войвыв кодзув», «Радуга» да «Арт» журналъясын.
* «Котыр – Аймулöн вына подув» республиканскӧй конкурс йылысь положение.
Положение конкурса сочинений 2024