Коми Республикаса госслужба да веськӧдлан академия «Академия развития личностных компетенций» автономнӧй некоммерческӧй организациякӧд ӧтвылысь збыльмӧдӧ «Будущее Zа молодёжью» медиапроект.
Уджтасыс пӧртсьӧ олӧмӧ регионса экономика сӧвмӧдан министерство отсӧгӧн юралысьлӧн грант весьтӧ.
Проектас пырӧдчӧ Сыктывкарысь, Ухтаысь, Сосногорскысь, а сідзжӧ Кулӧмдін, Кӧрткерӧс, Сыктыв, Сыктывдін, Луздор, Емдін да Койгорт районъясысь нелямын велӧдчысь.
Октябрсянь январӧдз шуӧма нуӧдны налы куим сессия. Томуловлы котыртласны нёль медиатрек. Ныв-зон тӧдмасясны журналистикаӧн да тайӧ юкӧнас дизайн уджӧн, велӧдчасны вӧдитчыны социальнӧй везъясӧн да видеоконтентӧн. Шуӧма снимайтны-дасьтыны накӧд Айму радейтӧм-видзӧм кузя нелямын видеоролик да гижӧд.
Медиапроектӧ пырӧдчысьясӧс велӧдӧмаӧсь нин ворсны командаӧ ӧтувтчӧмӧн, нуӧдӧмаӧсь налы «Траектория развития: молодёжь Коми» мастер-класс да «Где финансовая логика?» ворсӧм.
Дерт жӧ, уна на выль да колана тӧдӧмлун босьтасны ныв-зон тайӧ медиапроект сертиыс.
<> Гижӧдсӧ дасьтіс Александра Артеева.
Снимокыс ӧтуввезйысь.