Бать лун кежлӧ Скӧрӧдумса библиотекаӧ котралысьяс Юлия Николаевна веськӧдлысь ышӧдӧмӧн серпасалісны батьяснысӧ да гижыштісны дона йӧз йылысь. Лыддям, видзӧдам да ошкам зонпоснилысь азымлунсӧ.
Менсьым батьӧс шуӧны Саша. Сійӧ уджалӧ пӧжарнӧй часьтын. Батьӧй радейтӧ кыйсьыны вӧрын, вуграсьны да вотны тусь-тшак. Ме тшӧтш сыкӧд ветла. Батьӧй зэв зіль да ён. Ме сійӧс ёна радейта!
Паша Дёмин.
Менсьым ыджыд батьӧс шуӧны Саша. Сійӧ менам мамлӧн батьыс. Ыджыд бать водзын ёна радейтӧма кыйсьыны. Вӧлӧма спортсменӧн.
Вика Пашнина.
Менсьым папӧс шуӧны Саша. Сійӧ пӧжарнӧй юкӧнса командир. Пап радейтӧ кыйны чери, вотчыны да видзӧдны телевизор. Сійӧ и менӧ велӧдіс черисӧ кыйны. Ми папкӧд радейтам шайтасьны ӧтлаын. Пап зэв зіль, киподтуя да шань. Ме зэв ёна радейта папӧс!
Лера Чисталёва.
Зосим дядь радейтӧ ветлыны вадорӧ вуграсьны да вӧрӧ кыйсьыны. Сійӧ зэв зіль, честнӧй, бур морт.
Иван Паршуков.
Дасьтісны Юлия Королева, Алёна Нестерова.