Октябрь 30 лунсянь ноябрь 2 лунӧдз Ленинград обласьтса Кингисепп карын мунӧ варччӧм кузя Рытыв-Войвыв кытшса чемпионат да первенство.
Ордйысьӧмӧ пырӧдчис 9 регионысь 360 сайӧ спортсмен: Архангельск, Вӧлӧгда, Новгород, Мурманск, Псков, Калининград, Ленинград обласьтъясысь, а сідзжӧ Коми Республикаысь да Карелияысь. Медводдза лунӧ Комиысь сборнӧй шедӧдіс 8 медаль: 1 зарни, 2 эзысь да 5 бронза.
Мужичӧйяс пӧвстын Дмитрий Никоненко 100 метр баттерфляйӧн варччӧмын босьтіс коймӧд места. Тайӧ жӧ нырвизьын нывбабаяс пӧвстын 200 метрын эзысь медаль шедӧдіс Елена Булохова, а Владислава Ластовская – бронза. 200 метр вольнӧй стильын мужичӧйяс пӧвстын мӧдӧн лои Алексей Власенко.
Мыш вылын 200 метр варччӧмын Коми Республикаысь нывбаба-спортсменъяс босьтісны став пьедесталсӧ. Медбурӧн лои Владислава Ластовская, эзысь шедӧдіс Екатерина Сибирко, а бронза – Дарья Лазовская.
Сідз шусяна 100 метр комплекснӧя варччӧмын нывбабаяс пӧвстын коймӧд местаыс Екатерина Сибирколӧн.
* * *
Ордйысьӧмъяссӧ котыртӧны «Спорт – норма жизни» федеральнӧй да «Демография» национальнӧй проектъяскӧд йитӧдын. <>
Гижӧдсӧ дасьтiс Екатерина Микушева.
Снимокыс ӧтуввезйысь.