Издательский дом Коми

Сентябрь 27 лунӧ Кулӧмдін районса культура керкаын кыпыда чолӧмалісны тшупӧда пасӧн – 70 арӧс тырӧмӧн – Россияса гижысь котырӧ пырысь, «Миян Кулӧмдiн» газетса вӧвлӧм шӧр редактор, ставлы тӧдса да зэв пыдди пуктана гижысь Иван Иванович Ногиевӧс (Парма Ваньӧс). 1952 вося сентябрь 18 лунӧ Кулӧмдiн районса неыджыд Парма грезд чужтіс да сетiс коми йӧзлы ыджыд енбиа […]

Керчомъя сиктса школаысь куим педагог петалісны вермысьяс лыдӧ «Коми велӧдысь» республикаса конкурсын: 2016 воӧ – Ирина Андреевна Кузнецова, 2021-ӧдӧ – Алексей Сергеевич Паньков, а таво – Надежда Степановна Тарабукина. Та вӧсна и сентябрь 28 лунӧ чужан кыв да литература велӧдысьяслысь семинарсӧ «Коми велӧдысь» общественнӧй котыр нуӧдіс буретш сэні, ӧд педагогъяслы окота вӧлі видзӧдлыны-кывзыны медбур велӧдысьяслысь […]

Кулӧмдін районса Помӧсдінын ӧтувтчылісны водзмӧстчысь ныв-зон. Тайӧ важся мича сиктас коми томуловлӧн «МИ» котыр котыртліс блогеръяслысь школа. Кыпыд аддзысьлӧм вылӧ волісны эз сӧмын Коми Республикаса кар-районысь, но и Удмуртияысь да Марий Элысь гӧсьтъяс. «МИ» котырӧн веськӧдлысьӧс вежысь Ксения Таскаева висьталіс, кыдзи коми том блогеръяс кык лун велӧдчисны вӧдитчыны аудио-, фото-, видеоаппаратураӧн, босьтны интервью, вӧчны операторлысь […]

Неважӧн Коми Республикаса опера да балет театр восьтіс ассьыс 65-ӧд сезон. Быд во искусство радейтысьяс нимкодясьӧны яръюгыд постановкаясӧн, енбиа артистъяслӧн петкӧдчӧмӧн, кодъяс и гижӧны театрлысь историясӧ. Талунъя петасын тӧдмӧдам, пӧжалуй, медъюгыд «кодзувкӧд» – Роман Мироновкӧд. Каратэ? Али йӧктӧм? Чужлӧма Роман Миронов Сосногорск районса Улыс Одесын. Бать-мамыс мусир перъянінын уджалӧны. Мам рӧдас кодкӧ фигурнӧя конькиӧн исласьлӧма. […]

Эжва районса «Светоч» библиотекалӧн ӧдзӧсыс восьса и верстьӧлы, и челядьлы. Тані быдӧнлы радӧсь, и быдӧн вермас аддзыны колана небӧг-журнал, пырӧдчыны мастер-классӧ либӧ ворсӧмӧ. Кутшӧм выльпыртӧмъяс вермас казявны лыддьысьысь ӧнія кадся тайӧ библиотекаас? Та йылысь висьталӧ сэтчӧс уджалысь Елизавета Попова. Комын сюрс петас Бӧръя кадӧ библиотека позянлуныс ёна паськаліс. Татчӧ волывлӧны оз сӧмын лыддьысьны да колана […]

Сентябрын Сыктывкарын воссис консультация шӧрин, кӧні дон босьттӧг отсалӧны мынтӧдчыны юӧмысь, дурмӧдчанторйысь, бурас эскӧмӧн водзӧ овны ВИЧ-ӧн висьысьлы да дзескыдінысь петӧмалы. Олӧмас веськыд туй вылысь шыбӧлитӧмаяскӧд ноксьӧ-зільӧ Павел Апальков, коді ачыс веськавлӧма «дзугйӧ», но вермӧма петны сэтысь. Мода бӧрся эн вӧтлысь Павеллы 38 арӧс. Кызь во сійӧ юӧма да наркотикӧн дурӧма, гусясьӧма да пукавлӧма дзескыдінын. […]

Радейтана уджыд лунысь-лун нимкодьӧдӧ сьӧлӧмтӧ. Тадз жӧ чайтӧ Елизавета Попова, Эжваса «Светоч» библиотекаын зільысь. Тані пӧ позьӧ збыльмӧдны ассьыд дум-кӧсйӧмтӧ, пырӧдчыны аслыспӧлӧс уджтас-проектӧ да нимкодясьны, кор лыддьысьысь аттьӧалӧ тэнӧ. Водзмӧстчысь ань чужлӧма Эжва районын. Зарни медальӧн помалӧма школа, гӧрд дипломӧн босьтӧма культура колледжын «Библиотековедение» да вузын «Связь с общественностью» да «Психология» специальносьтъяс. Уджавны заводитӧма Эжваса […]

Ухтаын Николай Парфентьевӧс быдӧн тӧдӧ. Сійӧ пукалӧ Ленин нима улича вылын либӧ ю дорын планшетӧн да серпасалӧ ветлысь-мунысь вылӧ ёрта шарж. Кыдзи ачыс висьталӧ, гортас ветлӧ сӧмын узьны, либӧ зэр кӧ вӧтлас. Серпасасьӧ ӧд тушӧн. Гӧгӧрвоана, зэрмас кӧ, ставыс кӧтасяс, и ёрта шаржыд лоас каляка-малякаӧн. Челядьдырся кӧсйӧм Пасъя, ассьыс уджъяссӧ Николай Леонидович унаысь шуис «каляка-малякаӧн». […]

Опера да балет театрын сентябрь 21 лунӧ вӧлі Владимир Высоцкийлӧн творчестволы сиӧм «Своя колея» театрализуйтӧм концерт, кӧні тшӧтш петкӧдчисны Виктор Савин нима драмтеатрысь артистъяс. Дасьтіс тайӧ ӧтувъя петкӧдчӧмсӧ режиссёр Илья Кеслер. Высоцкийлӧн магия Владимир Высоцкий пуктіс искусствоӧ тӧдчана пай. Сійӧ и поэт, и театрын да киноын ворсысь, и прозаик да сценарист, и сьыланкыв гижысь да […]