Памятные даты военной истории России

8 сентября

Россияын воинскӧй слава лун. 1812 воӧ Михаил Илларионович Кутузовлӧн веськӧдлӧм улын роч армия водзсасис французъяслы паныд Бородино сикт дорын. Ӧнӧдз на ёна вензьӧны, коді вермис тайӧ тышас. Историкъяс шуӧны, Наполеон пӧ эз пасьварт роч армияӧс, но и Кутузов эз вермы дорйыны Москва. Сідзкӧ, некоднанныс эз збыльмӧдны урчитӧм могсӧ, но войнаыс век жӧ помасис роч армиялӧн […]

2 сентября

Россиялӧн военнӧй историяын вунӧдны позьтӧм лун. Тайӧ лунӧ 1945 воӧ эштіс Мӧд мирӧвӧй война. Война помасис, но колис йӧзыслы уна шог. Сӧветскӧй салдатъяс вӧрӧгкӧд тышъясын петкӧдлісны ассьыныс повтӧмлунсӧ, сюсьлунсӧ, вынсӧ, козьналісны мирса войтырлы мездлун.

24 августа

Россияса военнӧй историяын вунӧдны позьтӧм лун. Тайӧ лунӧ 1944 воӧ фашистъясысь вӧлі мездӧма Кишинёв кар. Медводдзаӧн карӧ пырис 5-ӧд ударнӧй армияса 89-ӧд гвардейскӧй стрелкӧвӧй дивизия. Командирнас вӧлі капитан А.И. Вельский. Кишинёвын олысьяс радпырысь вочаалісны Гӧрд Армияса салдатъясӧс.

23 августа

Россияса военнӧй историяын вунӧдны позьтӧм лун. Россияын воинскӧй слава лун. Тайӧ лунӧ 1943 воӧ Курск дорын сӧветскӧй войска вермис фашистъясӧс. Тайӧ тышын гӧрд армеечьяс петкӧдлісны сюсьлунсӧ, повтӧмлунсӧ, винёвлунсӧ. 100.000 сайӧ мортлы вӧлі сетӧма орден-медаль, 231-ӧн лоисны Сӧветскӧй Союзса Геройясӧн. Некымын воинскӧй часьтлы сетӧма Орловскӧй, Белгородскӧй, Харьковскӧй да Карачаевскӧй ним.

20 августа

Россияса военнӧй историяын вунӧдны позьтӧм лун. Тайӧ лунӧ 1939 воӧ Г.К. Жуковлӧн веськодлӧм улын Сӧветскӧй армия кутіс вӧтлыны Халхин- Голысь японечьясӧс. Тышыс вӧлі зэв сьӧкыд. Японскӧй армия воштіс уна мортӧс, тыдовтчис, мый японечьяс ёна жебджыкӧсь сӧветскӧй войскаысь.

15 августа

Россияса военнӧй историяын вунӧдны позьтӧм лун. Тайӧ лунӧ 1799 воӧ Нови кар дорын Александр Васильевич Суворовлӧн юрнуӧдӧм улын роч армия вермис французъясӧс. Тышын уси 7.000 француз, 3.000 веськалісны пленӧ.

12 августа

Россияса военнӧй историяын вунӧдны позьтӧм лун. Тайӧ лунӧ 1759 воӧ Кунерсдорф дорын роч армия да союзникъяс вермисны Пруссияӧс. Роч армияӧн командуйтісПётр Семёнович Салтыков. Прусскӧй армиялӧн главнокомандующӧйӧн вӧлі король Фридрих II. Пруссия воштіс 25.623 мортӧс, 172 ӧрудие. Австрия да Россия воштісны 7.060 мортӧс.

9 августа

Россияса военнӧй историяын вунӧдны позьтӧм лун. Тайӧ лунӧ 1714-ӧд воӧ Пётр Первыйлӧн юрнуӧдӧм улын роч флот пасьвартіс шведъясӧс. Тайӧ вӧлі саридзын Россиялӧн медводдза вермӧм. Роч флот веніс шведъясӧс тышсӧ кужӧмӧн нуӧдӧм весьтӧ. Шведъяс воштісны 361 мортӧс, 350 – доймис. Роч армияысь усис 124 морт, 342-ӧн доймалісны.

2 августа

Россияса военнӧй историяын вунӧдны позьтӧм лун. Тайӧ лунӧ 1572 воӧ Молоди дорын Михаил Воротынскийлӧн да Дмитрий Хворостининлӧн веськӧдлӧм улын роч армия вермис татараӧс. Тайӧ тышсӧ ӧткодявлӧны Куликов эрдвывса коськӧд.

23 июля

Россияса военнӧй историяын вунӧдны позьтӧм лун. Тайӧ лунӧ 1240 воын князь Александр Ярославичлӧн веськӧдлӧм улын роч воинъяс вермисны шведъясӧс Нева вывса тышын, коді муніс лунтыр сёр войӧдз. Роч воинъяслы ёна отсаліс паськалӧм ру. Места ним сертиыс князь Александр Ярославичӧс шуисны Невскийӧн, сылӧн кужӧмлуныс да сюсьлуныс отсаліс роч армиялы вермыны тайӧ тышас.

Пролистать наверх