Памятные даты военной истории России

Россияын воинскӧй слава лун. 1853 воӧ тайӧ лунӧ Павел Степанович Нахимовлӧн веськӧдлӧм улын Синоп мыс дорын роч эскадра вермис турокъяслысь флотсӧ.

Россияса военнӧй историяын вунӧдны позьтӧм лун. Тайӧ лунӧ 1904 воӧ Порт-Артур изкар дорйигӧн роч армия водзсасис зырӧдысь японечьяслы паныд.

1942 вося тайӧ лунӧ Сталинград дорын Сӧветскӧй армия заводитіс зырӧдны фашистӧс. Тышыс пансис пушка-гаубица лыйсьӧмӧн, та вӧсна вӧльгым 19 лунӧ пасйӧны Ракетнӧй войскалысь да артиллериялысь лун.

Мирса военнӧй историяын вунӧдны позьтӧм лун. Тайӧ лунӧ 1918 воӧ помасис Первой мирӧвӧй война.

Россияса военнӧй историяын вунӧдны позьтӧм лун. Тайӧ лунӧ 1827 воӧ роч флот да союзникъяс Наваринаса тышын вермисны турокъяслысь флот. Медся повтӧм да смел эскадраӧн веськӧдліс контр-адмирал Гейден.Тышын торйӧн нин петкӧдчис капитан М. П. Лазаревлӧн «Азов» флагман, сійӧ вӧйтіс вӧрӧглысь 2 фрегат да корвет, сотіс 60 пушкаа фрегат, а сэсся англичанакӧд ӧттшӧтш бырӧдіс турокъяслысь флагмансӧ. Турокъяс […]

Россияса военнӧй историяын вунӧдны позьтӧм лун. Тайӧ лунӧ 1813 воӧ Лейпциг дорын роч армия да союзникъяс вермисны Наполеонлысь войскасӧ. Октябрь 16 лунӧ Наполеон уськӧдчис роч армия вылӧ, но куим лун мысти нин сылы быть ковмис бӧрыньтчыны Францияӧ, эз вермы дыр водзсасьны роч армиялы паныд да.

Россияса военнӧй историяын вунӧдны позьтӧм лун. Тайӧ лунӧ 1811 воӧ Рущук кар дорын Михаил Илларионович Кутузовлӧн веськӧдлӧм улын роч армия вермис турокъясӧс. Тышын роч армия воштіс сӧмын 500 мортӧс, а вӧрӧг – матӧ 5.000 салдатӧс.

Россияса военнӧй историяын вунӧдны позьтӧм лун. Тайӧ лунӧ 1760 воӧ сідз шусяна Семилетньӧй война дырйи роч армия пырис Берлинӧ.

Россиялӧн военнӧй историяын вунӧдны позьтӧм лун. Тайӧ лунӧ 1914 воӧ Галицияын Николай Ивановлӧн веськӧдлӧм улын роч салдатъяс вермисны австро-венгръясӧс. Тышын Россия воштіс 230 мортӧс, а Австро-Венгрия – матӧ куимсё сюрсӧс, нӧшта сё сюрс гӧгӧр морт веськаліс пленӧ.

Россиялӧн военнӧй историяын вунӧдны позьтӧм лун. 1799 воӧ Швейцарияын Александр Васильевич Суворовлӧн веськӧдлӧм улын роч армия вуджис Сен-Готард перевал. Альпы гӧраясын вӧлі тӧв нин, и татшӧм кадӧ Суворовӧдз некод на эз выныштчыв вӧчны тайӧс. Тайӧ поход бӧрас Александр Суворовлы сетісны генералиссимуслысь чин да Италияса князьлысь почёта титул.