Кыдзи дасьтысьӧны республикалӧн 100 вося юбилей кежлӧ Сыктывдін, Кӧрткерӧс, Кулӧмдін, Емдін, Мылдін да Княжпогост районъясын, та йылысь сёрни вӧлі июль 6 лунӧ республикаса юралысьлӧн администрацияын чукӧртчылігӧн.
Йӧзыс ошкӧмаӧсь
Март 18 лунсянь Коми Республикалы 100 во тыригкежлӧ логотип дасьтан конкурс вылӧ воӧма 247 удж. Ӧтуввезйӧн вӧдитчысьяс медуна гӧлӧс (3.898, либӧ став гӧлӧссьыс 55,3 прӧчентсӧ) сетӧмаӧсь Анелия Лянцевичлӧн да Полина Кратцлӧн серпас дор. Россияса дизайнеръяслӧн союзӧ пырысь Анелия Лянцевич велӧдӧ Сыктывкарса университетын, а Полина Кратц помалӧма СГУ-ысь культура да искусство институт.